web counter
LEXO PA REKLAMA!

SHKARKO APP

App Store
Google Play

E fundit!

x

PS, nismë për ngritjen e 2 komisioneve parlamentare/ Balla: Grupet e tjera të plotësojnë vakancat

6 Tetor 2025, 12:20, Politikë CNA

PS, nismë për ngritjen e 2 komisioneve parlamentare/ Balla: Grupet e

Përfundon mbledhja e Grupit Parlamentar të Partisë Socialiste. Në përfundim të mbledhjes kryetari i këtij grupi, Taulant Balla, tha se u mor vendimi për ngritjen e komisioneve të posaçme parlamentare për Reformën Zgjedhore dhe atij për Reformën Administrative.

Balla tha se këto janë rekomandime të OSBE-ODIHR. Balla tha se Komisioni për Reformën Zgjedhore do të adresojë çështjen e depolitizimit të komisioneve zgjedhore dhe atë për financimin e partive politike.

Gjithashtu Balla tha se duhen bërë ndryshime në Kodin Zgjedhor, ku do të përfshihen zgjedhjet për Parlamentin Europian.

"Ndër rekomandimet bazë të OSBE-së mbetet depolitizimi i grupeve të numërimit. Partia Socialiste ka mbështetur ndër vite depolitizimin. Mendoj se Komisioni i Posaçëm i Reformës Zgjedhore duhet të adresojë ligjin për financimin e partive politike.

Çështja e dytë që do të adresoja dhe që duket shumë futuriste është drafti i Kodit Zgjedhor ku të futen zgjedhjet për Parlamentin Europian sepse po vjen koha që vendi të ketë vendet e veta atje.

Rekomandimet duhen parë në një kontekst mbi 10-vjeçar".

Balla u shtriu dorën homologëve të PD-së dhe PL-së që të plotësojnë vakancat.

"Komisionet janë shumë të rëndësishme dhe uroj që Grupi Parlamentar i PD-së, ai i PL-së dhe të pavarurit të plotësojnë vakancat.

Jam kryetari i Grupit Parlamentar dhe jam këtu për të njoftuar vendimin e grupit për ngritjen e këtij komisioni.

Ne synojmë që të komunikojmë me palën tjetër, do t'u bëj ftesë 3 kryetarëve të grupeve të tjera.

Ky është një projektligj që është konsultuar me ekspertët dhe ka marrë shumë rekomandime. Për ne si PS, i cili gjithmonë në nismat e veta ka qenë flamurtari i ndryshimit në Këshillat Bashkiakë për barazinë gjinore, por le të lëmë diskutimet në Kuvend.

Sot kemi një komision për reformën zgjedhore dhe një për reformën territoriale.

Për reformën territoriale drejtimin ia kemi besuar Arbian Maznikut, për Reformën Zgjedhore Damian Gjiknurit. Do të presim propozimet e tyre," tha Balla.

Për sa i përket diskutimit për shkarkimin e kryetarit të Kuvendit, e cila ishte kërkesë e PD-së, Balla tha se e kanë rrëzuar sot dhe që në Kuvend do të votohet me më shumë vota se emërimi.

"Vendimin për Peleshin e kemi marrë sot, e rrëzuam dhe uroj të kemi shumë vota për rrëzimin sesa për zgjedhjen", deklaroi kryetari i Grupit Parlamentar të PS-së./CNA

 





Lajmet e fundit nga