E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

CNA e paralajmëroi/ Berisha konfirmon mbështetjen për Florjan Binajn

6 Tetor 2025, 12:40, Politikë CNA

CNA e paralajmëroi/ Berisha konfirmon mbështetjen për Florjan

Kryetari i Partisë Demorkatike, Sali Berisha, në një konferencë për mediat ka konfirmuar atë që CNA paralajmëroi më herët ditën e sotme.

Tre emrat kryesorë në finishin e garës për kandidimin në Bashkinë e Tiranës
6 Tetor, 12:34

Berisha zyrtarizoi mbështetjen e Partisë Demokratike për aktorin Florjan Binaj, i cili shpalli kandidaturën e tij të pavarur për Bashkinë e Tiranës pak ditë më parë.

Kryedemokrati ka falënderuar të gjitha personalitetet që shprehën vullnetin për të kandiduar në zgjedhjet lokale.

Kreu i PD-së tha se grupi i negociatorëve do t’u paraqesë edhe aleatëve kërkesën për të mbështetur kandidaturën e Florjan Binajt.

"Jam sot këtu për t’ju informuar ju dhe qytetarët e Tiranës, dhe mbarë Shqipërisë, se midis kandidaturave shumë të mira që kanë ardhur direkt nga drejtues dhe personalitete të PD-së, tashmë të bëra publike, për të cilat unë kam vlerësimin më të madh, kandidaturave realisht të personaliteteve të pavarura nga fusha të ndryshme, nga Shqipëria dhe nga diaspora, PD duke falënderuar me mirënjohje secilin prej atyre që vendosi të paraqesë kandidaturën e tij në shërbim të qytetarëve të Tiranës dhe përballjen me të keqen e këtij vendi, që është Edi Rama, informon se grupi i mandatuar nga PD do t'u paraqesë aleatëve tanë mendimin dhe sugjerimin që të mbështesim së bashku artistin e mirënjohur, personalitetin e shquar të artit, luftëtarin e paepur të kauzave të qytetarëve shqiptarë, komunikatorin e talentuar, e lindur, zotin Florjan Binaj", tha Berisha.

Kandidatura e Florjan Binajt për Bashkinë e Tiranës, më herët u mbështet dhe nga Lëvizja “Shqipëria Bëhet”, lajm të cilin e konfirmoi Adriatik Lapaj./CNA