web counter
LEXO PA REKLAMA!

SHKARKO APP

App Store
Google Play

E fundit!

x

“Do të bëja të njëjtën gjë”/ Rama zbulon pikën ku bashkohet me Albin Kurtin

23 Qershor 2023, 13:52, Politikë CNA

“Do të bëja të njëjtën gjë”/ Rama

Që nga nisja e tensioneve mes Kosovës dhe Serbisë, Kryeministri Edi Rama ka mbajtur një qëndrim antagonist ndaj kryeministrit Albin Kurti duke thënë se ky i fundit ka futur shtetin në një qorrsokak dhe se sjellja e tij nuk i shërben Kosovës.

Sot në konferencën për shtyp Rama ka diskutuar sërish për situatën mes Serbisë dhe Kosovës ku ka përsëritur thirrjen për lirimin e 3 efektivëve të arrestuar nga autoritetet serbe.

Ai pranoi se raporti me Kurtin nuk ka qenë “i ëmbël”, por në këtë pikë bashkohet plotësisht me këtë të fundit dhe se do të bënte të njëjtën si ai.

Numri një i qeverisë i mëshoi faktit se nëse nuk lirohen policët është e kotë të diskutohet për gjëra të tjera.

Rama e ka cilësuar të papranueshme mbajtjen e tyre në burg.

“Ua kam bërë të qartë aleatëve që pa u liruar ata të tre është e kotë që të diskutojmë gjëra të tjera. Nuk bëhet dot asgjë. Unë nuk jam i ëmbël me Albinin, por në këtë pikë do të bëja të njëjtën gjë. Pa u liruar ata të tre s’do të bëja asgjë.  Është e papranueshnme fare.

Nuk janë tre njerëz që i kanë kapur se kanë bërë krime si rasti i atyre që janë arrestuar në Kosovë. Janë kapur me atë dyshim.

Janë tre efektivë që janë kapur pse kanë kaluar një vijë kufiri që është e paqartë se ku ndodhet, ta zëmë se e kanë kaluar e çfarë pastaj.” -shprehet Rama./ CNA





Lajmet e fundit nga