web counter
LEXO PA REKLAMA!

SHKARKO APP

App Store
Google Play

Operacioni në kampin e MEK/ Meta ankohet për transparencë

22 Qershor 2023, 16:20, Politikë CNA

Operacioni në kampin e MEK/ Meta ankohet për transparencë

Kreu i Partisë së Lirisë, Ilir Meta, ka hedhur akuza ndaj qeverisë për operacionin dhe tensionet e regjistruara mëngjesin e së martës në kampin e MEK, në Manëz të Durrësit.

Meta tha se operacioni i kontrollit në kampin e muxhahedinëve ishte jotransparent dhe politik.

Ai deklaroi se nuk duhet të ishte lejuar lëndimi i efektivëve dhe anëtarëve të kampit të MEK-ut, pasi pretendon se kjo ngjarje ka dëmtuar imazhin e Shqipërisë.

“Qeveria jonë ka konstatuar se regjimi iranian ka hakeruar sistemin e komunikimit elektronik të qeverisë dhe institucioneve, dhe këto grupe të regjimit kanë ekspozuar të dhëna sensitive e kanë kërcënuar me publikimin e të dhënave të tjera problematike.

Në vlerësimin tim keni të bëjmë me një sjellje jotransparente nga qeveria jonë, veprim politik, kemi dëgjuar se angazhimi i tyre politik në kundërshtim me statusin e tyre është një nga shkaqet që është arritur në një vlerësim se kanë bërë një shkelje të marrëveshjes me qeverinë shqiptare. Këto aktivitete janë bërë publike në Shqipëri apo edhe vende të tjera ku kanë marrë pesë shumë përfaqësues politikë nga mazhoranca dhe opozita.

Kjo është një alibi që nuk qëndron. Ajo që më shqetëson është humbja e jetës së një banori të kampit dhe lëndimi i shumë banorëve të tjerë e policëve që ishin të detyruar të zbatojnë një urdhër. Aksioni nuk i shërbeu imazhit të vendit. Nuk ka asnjë transparencë të plotë nga ana e qeverisë. Vendimet e gjykatave, e dimë kush i kontrollon gjykatat e prokuroritë. Kemi ndryshim i sjelljes politike, se cila është arsyeja nuk e dimë. Qeveria jonë është e para që shkel ligjet dhe është protagoniste e dhunës”, theksoi kreu i PL-së./ CNA.al





Lajmet e fundit nga