web counter
LEXO PA REKLAMA!

SHKARKO APP

App Store
Google Play

E fundit!

x

Lorenc Vangjeli: PD po vuan mallkimin e Sokol Olldashit

21 Qershor 2023, 21:40, Politikë CNA
Lorenc Vangjeli: PD po vuan mallkimin e Sokol Olldashit
Analisti Lorenc Vangjeli

Analisti Lorenc Vangjeli ka analizuar situatën në Partinë Demokratike dhe ka kujtuar ditën e sotme të ndjerin Sokol Olldashi.

Vangjeli tha në një dalje televizive se PD po vazhdon të vuajë ende mallkimin e Olldashit, për të cilin pretendon se do të kishte qenë kryetar i PD-së nëse do respektohej legjitimiteti statuor i zgjedhjes.

Sipas tij, po ta kishte marrë i ndjeri PD-në në 2013-ën, historia politike e së djathtës, e opozitës dhe politikës shqiptare do kishte qenë ndryshe.

“Nuk është politike, por që në Ballkan dëgjohet dhe besohet shumë. Jo pak demokratë, duke iu referuar pikërisht këtij momenti ku ju vini gishtin, legjitimiteti i dyshimtë qoftë politik, qoftë edhe moral, në një garë të sjellë pasoja të paparashikuara. Pasojat i shikojmë, por arsyeja për shumë e shumë demokratë, përmendin një togfjalësh rrëqethës, dramatik. 

Thonë që gjithçka po ndodh, e thënë në rrafshin e asaj që besohet shumë në Ballkan, të gjithë jemi rritur me mite, thuhet një shprehje: PD vazhdon të vuajë ende mallkimin e Sokol Olldashit, kandidatit, i të cilit nëse do ishte respektuar legjitimiteti statuor i zgjedhjes me shumë gjasa do kishte qenë kryetari i PD në vitin e largët 2013 dhe gjithashtu me shumë gjasa historia politike e kësaj partie, e opozitës, por ndoshta edhe politikës shqiptare do kishte qenë ndryshe”, theksoi analisti./ CNA.al





Lajmet e fundit nga