web counter
LEXO PA REKLAMA!

SHKARKO APP

App Store
Google Play

Berisha sulmon KAS-in/ “Teknikat e manipulimit të votës i quan normale”

23 Qershor 2023, 12:59, Politikë CNA
Berisha sulmon KAS-in/ “Teknikat e manipulimit të votës i quan
Ish-kryeministri Sali Berisha

Ish-kryeministri Sali Berisha ka publikuar disa filmime që sipas tij faktojnë diktimin dhe manipulimin e votës që u është bërë qytetarëve.

Berisha shprehet se vendosja e kamerave është bërë në mënyrë të tillë që të mos regjistrohet pjesa e zhvillimeve në qendrat e votimit, por të regjistrohen vetëm këmbët e qytetarëve si një mënyrë për të fshehur parregullsitë në proces.

Ndër të tjera ish-kryeministri ka akuzuar dhe KAS-in për anshmëri duke thënë se këto video janë parë nga ata dhe janë quajtur normale.

Ai ka komentuar ashpër kundrejt KAS-it duke thënë se armiqtë më të këqij të ligjit janë juristët e korruptuar.

“Ju garantoj se mbi 70-80 për qind e qendrave në mbarë Shqipërinë kanë qenë të këtij karakteri.” shprehet Berisha.

“Janë përdorur të gjitha teknikat për të maskuar, për të manipuluar zgjedhjet, faktikisht nuk ka pasur zgjedhje. Këto video i ka vlerësuar, parë, KAS-i dhe i ka quajtur normale. A mund të imagjinoni ju një institucion. Kam konstatuar se armiqtë më të këqij të ligjit, janë juristët e korruptuar. Mos e harroni këtë që ju thashë.

Ligji nuk ka armiq më të egër se juristin e korruptuar. Qoftë ai gjykatës, prokuror, nëpunës, ministër, qoftë çfarëdo qoftë, ai është armiku më i egër i ligjit. Këto ishin disa qendra, por ju garantoj se mbi 70-80% e qendrave në mbarë Shqipërinë kanë qenë të këtij karakteri, kaosi.

Kudo punonjësi i pajisjes së identifikimit ka luajtur rolin e xhandarit të votës dhe të zgjedhësit. Aty ku ka pasur makineri votimi kanë votuar për ta.

Ndaj dhe këto zgjedhje nuk mund të njihen. Këto zgjedhje janë dëshmia më e fortë, më flagrante e domosdoshmërisë jetike, për t'u ngritur shqiptarët në protestë dhe për të rikthyer votën e lire”, është shprehur Berisha./ CNA





Lajmet e fundit nga