LEXO PA REKLAMA!

SHKARKO APP

App Store
Google Play

E fundit!

x

Boçi, mesazh të rinjve të Elbasanit/ "Mos u dorëzoni, bashkohuni për vizionin e përbashkët"

19 Mars 2023, 16:18, Politikë CNA

Boçi, mesazh të rinjve të Elbasanit/ "Mos u dorëzoni, 

Kandidati i Partisë Demokratike për Bashkinë e Elbasanit, Luçiano Boçi, u ka dhënë një mesazh të rinjve duke u bërë thirrje që të mos dorëzohen.

Me anë të një postimi në rrjete sociale Boçi u shpreh gjithashtu se ai do të jetë i gatshëm që të flasë për të gjitha problematikat dhe shqetësimet e banorëve të tyre, pasi sipas tij vetëm kështu ata mund të qëndrojnë të bashkuar për vizionin e përbashkët.

“Unë jam i gatshëm të mirëpres çdo të re apo të ri që dëshiron të flasë me zë të lartë apo ballë për ballë mbi shqetësimet, kërkesat, nevojat e veta, që synon të shpalosë vizionin e vet për qytetin e së ardhmes dhe të ndajë me ne atë që e konsideron të rëndësishme.

Unë ftoj çdo të ri apo të re të Elbasanit që të mos t’i dorëzohet pesimizmit dhe dëshpërimit. I ftoj ata që të afrohen me të rinjtë e angazhuar në fushatën tonë dhe të vlerësojnë gjërat që i bashkojnë në vizionin e përbashkët për një qytet që të lejon të rritesh, të ngresh familje dhe të hedhësh rrënjë.

Ju falënderoj që jeni pjesë e fitores sonë në Elbasan”, shkruan Boçi./CNA

Lajmet e fundit nga