web counter
LEXO PA REKLAMA!

SHKARKO APP

App Store
Google Play

Belind Këlliçi: Do të kërkojmë mandatin e Ilir Alimehmetit

23 Maj 2025, 13:11, Politikë CNA

Belind Këlliçi: Do të kërkojmë mandatin e Ilir

Belind Këlliçi ka folur për zgjedhjet e 11 majit, ku ka deklaruar se ka dyshime se ka manipulime te votat e pavlefshme.

Në një intervistë për "A2CNN", Këlliçi tha se në Tiranë ka pasur mbi 17 mijë vota të pavlefshme dhe do të bëjë një kërkesë për rivlerësimin e tyre.

Ai theksoi se mandati i Ilir Alimehmetit u humb për një grusht votash dhe nuk do të dorëzohen pasi votat e pavlefshme mund të jenë të mjaftueshme që Alimehmeti të marrë mandatin e deputetit.

“Në diasporë ka pasur kuti me rezultat 97% në favor të Partisë Socialiste. Kjo ka ndodhur me votat e Greqisë. Një ekspert kaligrafie do ta evidentonte se është një dorë që ka plotësuar qindra vota. Të vjen keq që një mundësi që iu dha shqiptarëve jashtë u bë pis nga partia shtet. Mendonim se DHL do t’u qëndronte të gjitha angazhimeve. Në Greqi, DHL ia ka nënkontraktuar shpërndarjen e zarfeve dy kompanive lokale. Ne i kemi bërë publike këto shkelje.

Këto janë denoncime që po çojmë te partnerët. PS ka humbur vota në Tiranë. Ka rreth 18 mijë vota më pak. Por për shkak të pjesëmarrjes së ulët në votim dhe partive të reja…

Mandatin e fundit e kemi humbur për një grusht votash dhe nuk do të dorëzohemi. Do të bëjmë një kërkesë, janë 17 mijë vota të pavlefshme në Tiranë. Të mjaftueshme për të marrë mandatin e tij dhe një tjetër. Dyshojmë se ka manipulime në votat e pavlefshme”, tha Këlliçi./ CNA





Lajmet e fundit nga