web counter
LEXO PA REKLAMA!

SHKARKO APP

App Store
Google Play

“Babalja” në krye të PD-së?

17 Maj 2023, 22:00, Politikë CNA
“Babalja” në krye të PD-së?
Ervin Salianji, i njohur si deputeti "Babale"

3 ditë pas zgjedhjeve vendore, Enkelejd Alibeaj doli nga hiçi dhe na njoftoi pasditen e sotme se po largohet nga komandimi në krye të PD-së. Gjithashtu, ai tha se ka dhënë dorëheqjen edhe si drejtues i Grupit Parlamentar.

Menjëherë pas kësaj, Gazment Bardhi nisi lëvizjet për komandimin e një kryetari tjetër, derisa të bëhen zgjedhjet në PD. Bardhi ftoi në takim Jorida Tabakun dhe kërkoi mbledhjen e Këshillit Kombëtar.

Raportimet e pa konfimuara thonë se kreun e grupit po e merr Ervin Salianji, i njohur ndryshe si deputeti “Babale”.

Megjithatë, që Salianji të marrë këtë post, duhet të mblidhet i gjithë grupi, i cili është i përçarë.

Këto duken si lajme politike të trafikuara nga çuni i G.D.

Kjo është një ëndërr që “Babalja” kërkon që t’i realizohet, pasi edhe më parë deputeti ka tentuar që të marrë këtë post.

Salianji mblodhi firmat e deputetëve që i duheshin për të shkarkuar Enkelejd Alibeajn, por ky i fundit përjashtoi 4 deputetë nga Grupi Parlamentar i PD-së, duke i shkatërruar kështu skenarin.

Tashmë, me dorëheqjen e Alibeajt, “Babalja” po del sërish në skenë dhe po kërkon të marrë grupin e PD-së.

Një “Babale” në krye të grupit të PD-së thjeshtë shton rrugën pa krye të opozitës./ CNA.al





Lajmet e fundit nga