Alibeaj tallet me demokratët/ Avokat Populli, ushtarin e “Babales”

14 Korrik 2022, 10:30, Politikë CNA

Alibeaj tallet me demokratët/ Avokat Populli, ushtarin e

Komisioni për Çështje Ligjore do të zhvillojë nesër seancat dëgjimore për çdo kandidat për Avokatin e Popullit, ku do u bëhet vlerësimi për përmbushjen e kritereve kushtetuese.

Më pas, kandidaturat e përzgjedhura i paraqiten Kuvendit me shkrim nga jo më pak se 28 deputetë, sipas vlerësimit të Komisionit.

Por, ndërkohë që marrëveshja është arritur dhe emri i Avokatit të Popullit i takon Opozitës, Enkelejd Alibeaj duket se po tenton të tallet me demokratët.

Në një kohë që për çështjen e zgjedhjes së Presidentit thirri mbledhjen e grupit parlamentar të PD-së, për Avokatin e Popullit nuk ka thirrur grupin parlamentar dhe po tenton ta zgjedhë i vetëm, pa respektuar asnjë procedurë ligjore.

CNA.al ka raportuar një ditë më parë se si Alibeaj po tenton një skenar korruptiv dhe një lojë të pistë në mënyrë që Avokat i Popullit, të zgjidhet i preferuari i Lulzim Bashës, Ledio Braho.

Skandali/ Alibeaj kërkon të zgjedhë i vetëm Avokatin e Popullit
13 Korrik, 13:11

Pra, skenari është i qartë. Alibeaj e propozon me porosi të Bashës dhe Rama e miraton.

Por, përtej faktit se Ledio Braho është i preferuari i Lulzim Bashës, ka edhe një tjetër detaj.

Ledio Braho është avokati i Ervin Salianjit.

Ledio Braho është një ndër avokatët e “Babales” së Lulzim Bashës, Ervin Salianjit, në çështjen “Babale”.

Kujtojmë këtu se në vitin 2018, PD publikoi një audio-përgjim, sipas të cilit pretendohej se Agron Xhafaj drejtonte trafikun e lëndëve narkotike. Dhe Ervin Salianji “rrihte gjoksin” korridoreve të PD-së se ishte ai që kishte siguruar audio-përgjimin.

Në audio-përgjim shfaqej shtetasi Albert Veliu apo i ashtuquajturi “Babale”, i cili pretendohej se shfaqej në një bisedë me Agron Xhafajn, duke bërë pazare droge.

Por, që më pas u tregua se gjithçka ishte një inskenim.

Në dhjetor të vitit 2019, Ervin Salianji është dënuar me një vit burg nga Gjykata e Tiranës. Ndaj Salianjit rëndon akuza e kallëzimit të rremë.

Alibeaj tallet me demokratët/ Avokat Populli, ushtarin e

Sipas gjykatës ai ka krijuar prova me qëllim implikimin e vëllait të ish-ministrit të Brendshëm, Fatmir Xhafaj, në një çështje trafiku droge në Vlorë.

Ndërkohë, në datën 18 korrik është seanca e radhës në Apel, që do të thotë se nëse Gjykata e Apelit vendos të lërë në fuqi vendimin e Gjykatës së Shkallës së Parë, atëherë Ervin Salianji do të duhet të lërë mandatin e deputetit dhe të shkojë në burg.

Por, në përballjen e tij me drejtësinë, personi që e mbron Ervin Salianjin, është pikërisht Ledio Braho, emri që Enkelejd Alibeaj kërkon ta zgjedhë Avokat të Popullit./CNA.al