web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i Bundestagut jep shpresë/ “Javën e ardhshme mund të hapen teknikisht negociatat”

14 Korrik 2022, 09:38, Politikë CNA
Deputeti i Bundestagut jep shpresë/ “Javën e ardhshme mund
Deputeti i Bundestagut, Adis Ahmetoviç

Deputeti i Bundestagut, Adis Ahmetoviç, deklaroi se javën e ardhshme mund të ketë një çelje teknike të negociatave me Shqipërinë dhe Maqedoninë e Veriut.

Në një konferencë për shtyp, Ahmetoviç tha se gjërat për integrimin janë të ndërlikuara nga BE.

“Nuk arritëm të hapnim negociatat për Shqipërinë dhe Maqedoninë. Gjërat janë të ndërlikuara nga BE, jo nga ju. Shqipëria, Kosova, Maqedonia kanë bërë shumë. Pas vizitës këtu do të takohem me anëtarë të qeverisë për të gjetur zgjidhje e për të hedhur hapin e radhës, ndoshta edhe për një lajm të mirë javën tjetër. Mund të nisin negociatat teknike. Për të stabilizuar rajonin na duhet një Shqipëri e një Maqedoni e fortë”, u shpreh ai.

Më tej, deputeti i Bundestagut deklaroi se "Ballkani i Hapur" është një element i procesit të Berlinit.

“Sholci ka një interes të madh për Ballkanin Perëndimor e quan pjesë të familjes europiane. Procesi i Berlinit është mesazh për vendet e Ballkanit që Shqipëria do ketë koordimin me 6 vendet. Çdo ide për të lidhur 6 vendet është e mirë. Në krye të bashkëpunimit është procesi i Berlinit, 'Ballkani i Hapur' është vetëm një pjesë e Berlinit. Këtë vit kancelari do zhvillojë një takim me udhëheqësit e Ballkanit Perëndimor. Duhet t’i japim një shans 'Open Ballkan', por është vetëm një element i saj.

Unë nuk mund të komentoj gjithçka që ndodh në politikën e brendshme shqiptare, por pozicioni i qeverisë dhe i shumicës në Parlamentin shqiptar është i duhuri. Ju mbështetët planin për Ukrainën, sanksionet ndaj Rusisë, çdo vit po luftoni për hapat drejt BE. 3 vite më parë duhet të kishit hedhur një hap për negociatat, por u bllokuat nga Bullgaria. Shqipëria nuk ndali së punuari në këtë drejtim. Qeveria dhe partitë shqiptare kanë mbështetje të plotë për agjendën europianë. Shqipëria meriton çeljen e negociatave”, theksoi ai./ B.A. – CNA.al





Lajmet e fundit nga