web counter
LEXO PA REKLAMA!

SHKARKO APP

App Store
Google Play

“Duhet të ishe në burg”/ Përplasje mes Manjas dhe Bardhit: Nuk jam vrasës, nuk i kam duart e lyera me gjak

13 Korrik 2022, 19:53, Politikë CNA
“Duhet të ishe në burg”/ Përplasje mes Manjas dhe
Foto ilustruese

Një përplasje e ashpër ka ndodhur sot në Komisionin e Ligjeve ku është diskutuar për hartën e re gjyqësore.

Mes ministrit të Drejtësisë, Ulsi Manja dhe deputetit, Gazment Bardhi ka pasur një debat, ku deputeti është shprehur se Manja duhet të ishte në burg, ndërsa nga ana tjetër Manja e ka thumbuar duke i thënë se nuk është vrasës.

Pjesë nga debati

Ulsi Manja: I pyetët qytetarët e Bulqizës, të Malësisë së Madhe etj. U ngritët në mëngjes… Jo se nuk ke pyetur asnjë. Ditën që ike nga zyra dyfishove tarifat për qytetarët shqiptarë dhe që e kemi fituar në Gjykatë të Apelit. Ky është shqetësimi që ke ti për shqiptarët. Nuk dua përgjigje prej teje se e ka dhënë Gjykata e Apelit me vendim. Të ka rrëzuar udhëzimin e përbashkët për tarifat që ke firmosur me Ministrin e Financave. Dhe vjen këtu dhe flet për shqetësimet e qytetarëve. Unë kam ardhur me shumë seriozitet për të diskutuar për hartën. Është një proces që është ndarë mes KLGJ dhe ministrit të Drejtësisë për buxhetimin dhe logjistikën e hartës.

Gazment Bardhi: Ti duhet të ishe në burg.

Ulsi Manja: Unë s’jam vrasës.

Gazment Bardhi: Je më shumë sesa vrasës, ti je vrasës dhe hajdut.

Ulsi Manja: Unë nuk i kam duar të lyera me gjak. As xhaketën se kam të lyer me gjak dhe nuk i fus familjet shqiptare në konflikt./ A.E-CNA.al





Lajmet e fundit nga