web counter
LEXO PA REKLAMA!

SHKARKO APP

App Store
Google Play

E fundit!

x

Zhurmuesi i PD-së në Kuvend/ Përsërit të njëjtin skenar në çdo seancë

14 Korrik 2022, 10:30, Politikë CNA

Zhurmuesi i PD-së në Kuvend/ Përsërit të njëjtin

Deputeti i PD-së Enkelejd Alibeaj  edhe në seancën e sotme plenare ka zgjedhur të bëjë zhurmuesin.

Ashtu si në çdo seancë e ka bërë të rrugës, të hiqet sikur po bën debat me kryetaren e Kuvendit Lindita Nikolla për procedurat.

Sipas tij, sot nuk po zbatohej vendimi  i marrë në konferencën e kryetarëve për gjenocidin serb në Kosovë.

“Është e disata herë që po abuzoni me pozicionin tuaj. Sapo thatë që është vendosur në konferencën e kryetarëve që rezoluta për gjenocidin serb do kalojë për votim. Nuk është diskutuar dhe nuk është vendosur. Nuk ka si të vendoset. Rregullorja e ka të qartë se cilat janë hapat proceduriale. Duhet përcaktuar dita dhe data kur seanca duhet të debatojë.

Rregullorja përcakton edhe faktin tjetër që duhet të ishte ajo data tjetër brenda 24 qershorit. Jeni me shkelje të procedurës por po thoni edhe diçka që nuk është e vërtetë. Duhet për të korrigjuar gabimet e bëra deri më tani por mbi të gjitha për të bërë nderin e duhur lidhur me detyrimin moral që ky kuvend ka.

E kaluam radhës së kaluar gjenocidin serb në Srebrenicë dhe nuk kalojmë gjenocidin serb në Kosovë. Ju merrni përsipër të thoni gjëra që nuk kanë ndodhur kurrë. Seanca jonë duhet të jetë projektrezoluta jonë. Nuk ka rrugë tjetër. Është mundësia juaj e fundit për të korrigjuar këtë vendim”, është shprehur Alibeaj.

Por, kryetarja e Kuvendit Lindita Nikolla i është kundërpërgjigjur Alibeajt se gjithçka po vijon sipas procedurave dhe rregulloreve të Kuvendit.

 “Ka një vendim të datës 15. Kemi bërë edhe debat. Kanë folur edhe kolegë të opozitës dhe është vendosur. Pro keni votuar të gjithë. Nuk ka pasur kundërshti që ne të vazhdojmë me Komisionin e Politikës së Jashtme”, është shprehur Nikolla./CNA.al





Lajmet e fundit nga