web counter
LEXO PA REKLAMA!

SHKARKO APP

App Store
Google Play

Akuzat e forta të Berishës: Kartelet e drogës në Shqipëri, vendimmarrësit më të fuqishëm në qeveri

24 Maj 2025, 12:26, Politikë CNA

Akuzat e forta të Berishës: Kartelet e drogës në

Kreu i PD-së, Sali Berisha, i ka bërë thirrje SHBA-së që të deklarojë organizata terroriste grupet kriminale shqiptare.

Në një deklaratë për mediat, Berisha tha se këto grupe kriminale veprojnë lirshëm në Shqipëri pa kufizime.

Ai tha se kartelet e drogës në Shqipëri janë vendimmarrësit më të fuqishëm në qeveri, në parlament dhe në qeverinë vendore.

“I bëj thirrje ShBA-së që të deklarojë grupet shqiptare si grupe terroriste.

Deklarimi organizata terroriste i organizateve të mëdha mafioze të Shqipërisë është një kontribut i madh për sigurinë në Shqipëri, për sigurinë në rajon, për sigurinë e NATO-s, Europës e më gjerë. Garantoj se PD është e gatshme të faktojë implikimet e Edi Ramës, Olsi Ramës, Taulant Ballës, Ervin Hoxhës dhe shumë të tjerëve në kartelet më të rrezikshme të Europës. Jam këtu para jush për të theksuar se dita e djeshme shënon një moment kthese shumë të rëndësishme për shqiptarët për rajonin dhe Europën damkosjen e grupeve kriminal shqiptare si kartele droge. Të gjithë ata të cilët hezitonin apo u dukej pak si i çuditshëm epiteti i narkoshtetit në Shqipëri tani nuk duhet të kenë asnjë dyshim, Shqipëria është shteti i karteleve të drogës.

Kartelet e drogës në Shqipëri janë vendimmarrësit më të fuqishëm në qeveri, në parlament dhe në qeveritë vendore.

Ato diktuan me dhunë dhe drogë rezultatin në zgjedhjet e fundit duke i transformuar zgjedhjet e majit në farsën elektorale më të shëmtuar në historinë e vendit”, tha Berisha./ CNA





Lajmet e fundit nga