E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Zoti kryeministër, ju lutemi bëjeni Braçen ministër

20 Maj 2025, 18:35, Opinione CNA

Pa dalë rezultati përfundimtar i Zgjedhjeve, Erjon Braçja nisi avazin.
Dmth rinisi të bëjë Vërsëllonjën e të gjithëve.

Nuk ka njeri që nuk e di që Vërsëllonja nuk ka punuar kurrë. Asnjë punë ku të duhej të hidhte firmën.. të nënshkruante kontrata publike... të negocionte marrëveshje në emër të Shtetit... të përfaqësont shtetin në konflikte... të administronte pasuri shtetërore... të parashikonte e të shpërndante fonde.... të bënte buxhet dhe të shpenzonte atë me efiçiencë .... të punësonte e të zgjidhte kontrata pune.... të planifikonte të ardhura e të projektonte prioritete.... të parandalonte kriza e t'i zgjidhte ato në kushte urgjence... të hartonte politika punësimi, shëndetësore, arsimore e t'i vinte në zbatim....etj etj etj.... Asgjë!

Erjon Braçe nuk ka bërë asnjëherë asgjë nga këto?
Nuk ka përzgjedhur asnjëherë ndonjë kompani pastrimi qyteti psh, por di të vijë vërdallë duke fotografuar me celular grumbuj inertesh. E kush nuk e bën dot këtë?

Zoti kryeministër, ju lutemi bëjeni Braçen ministër

Nuk ka pasur kurrë në dorë kompetenca për leje ndërtim, por është deklaruar armik i ndërtuesve jo i atyre që lëshojnë leje ndërtimi.
Nuk ka pasur kurrë në dorë licenca publike, por në tavolina deklarohet armik i oligarkëve e jo i të gjithe atyre që i kanë dhënë atyre kontratat publike.
Arrin të dojë dhe adhurojë si yllin partizan me pesë cepa edhe Zotin!
Respenton edhe dëshmorët edhe besimtarët.
Edhe komunist edhe besimtar do thosh dikush!

Por zoti kryeministër, Erjon Braçja dikur, përpara se të mbyllë moshën e pensionit, duhet ta bëjë sefte punën.
Braçes i duhet dhënë të bëjë një punë. Bilé duhet të jetë punë e madhe shumë.
Ka shumë mundësi që muajin e dytë ta shohim sërish në whatsapp duke xhiruar veten me celular, me kokën mes duarsh duke u ankuar se ishte më mirë në fshat.

Zoti Rama, ju lutemi bëjeni Braçen ministër Bujqësor.
6 muaj duhen që të gjithë të njohin Braçen parimor, të ndershëm, punëtor, të aftë, të mençur, efiçient, profesionist, negociator, financier, besimtar... etj etj etj.
Bëjani këtë nder 24.000 votuesve të Erjon Braçes zoti kryeministër.
Braçes pas 7 mandatesh i duhet bërë tokëzimi./ CNA