E fundit!

22:39 Aktualitet

“Të thotë ku i ka gjetur lekët”/ Gazetari ngre dyshime për pasuritë e Ramës

Gazetari Armand Shkullaku u shpreh sot me nota dyshimi lid...

“Rama është i legjitimuar të vjedhë zgjedhjet se ka Berishën përballë!”

16 Maj 2025, 15:22, Opinione Çim Peka

“Rama është i legjitimuar të vjedhë zgjedhjet se ka

Pasi deshtuan me “non grata”, me SPAK e Gjykatë Speciale që sot kanë ngelur me barrë e nuk shkojnë dot në gjykatë për shkak të falsifikimit të së shkuarës së tyre kriminale, pasi dështuan edhe me parti të fabrikuara te zyra e Veliajt, te lokali i Gaz Demit, te zyra e Andi Dobrushes, sot mercenarët e regjimit në media kanë hequr maskat.

“Rama le të vjedhë zgjedhjet derisa të ikë Berisha nga politika”, thonë në çdo studio në pamundësi të mohojnë vjedhjen e zgjedhjeve. Po dëgjoja tani ritransmetim te TV Gjebrea në një emision politik që kanë të hënë deri të enjte në darkë, një me emër Fitim Zbokthi, profesor politike, thoshte jam. Derisa të rriten partitë e vogla është normale që të rrijë Rama se ka Berishën përballë. Madje edhe vjedhja ka njëfarë legjitimiteti thoshte profesori. Kur Shqipëria të ketë një opozitë të mirë Rama ikën vetë, nuk vjedh më zgjedhjet se nuk ka më nevojë vendi për të, thoshte pak a shumë profesori. Pra, Rama po vidhka zgjedhjet për të mirën e Shqipërisë, derisa të arrijë Qorri në këmbë për takimin e diasporës në Athinë, derisa të gjithë shqiptarët të mësojnë se Lapaj është djali Fermanit e Gonit t'i dalin qimet.

A e kuptoni që Sali Berisha duhej fiks për këtë ditë, për të hequr maskat predikuesit e demokracisë së shitblerjeve. Por më kryesorja duhej për të bërë dhe këtë që po bën. Refuzimin e maskaradës zgjedhore dhe denoncimin e tyre me prova zyrtarisht në çdo kancelari. Rama nuk ka mbijetuar kaq gjatë se nuk ia kanë kuptuar manipulimin dhe vjedhjen e zgjedhjeve deri më sot, por se ai që mori vota se Selami Jenisheri këtë të diel, sa ishte kryetar opozite, nuk kishte as leje e as vullnet të mos pranonte zgjedhjet e të merrej me denoncimin e tyre. Në 2017 në vend që të merrej me maskaradën e zgjedhjeve i hapi “luftë” Ed Selamit, në 2021 sërish harroi vjedhjen e zgjedhjeve dhe i shpalli luftë Sali Berishës.
Sot është hera e parë që Edi Rama do të përballet me vjedhjen e zgjedhjeve në vend edhe ndërkombëtarisht.
Dhe çfarë bëri për t'i paraprirë kësaj dite?

Thirri në rresht Altin Dumanin për t'i certifikuar zgjedhjet me gjoja një task-forcë që heton shitblerjen e votës. Kurbanin e ka gati, Tomen. Po i vjedh unë tha Rama dhe SPAK do merret me Tomen se ai dihet që vjedh. Për vjedhjen time paguan dhe Toma.
Skemë e njohur.

Për vjedhjet me sterilizimin paguan Ilir Beqja, se ka vjedhur në restorant, për inceneratorët paguan Veliaj se ka blerë Ajola rroba, për zgjedhjet paguan Toma se ka blerë 3 mandate, ani pse Rama dhe PS kanë blerë së paku 30 mandate.
Skemën e bën Rama, për të zbatuar e zbaton Dumani. Për ta ambalazhuar mercenarët e regjimit nëpër studio të emëruar profesorë dhe editorë.

Kjo është e gjitha, por ju kanë mbaruar shtigjet.
Hajdeni sot në 17:00 në bulevardin “Zogu i Parë”, që t'i thoni që jemi këtu e nuk kemi plan të ikim pa ikur ti bir i racës më të ndyrë që kjo tokë ka pjellë!
Është luftë nervash, kush dorëzohet i pari.../ CNA