LEXO PA REKLAMA!

SHKARKO APP

E fundit!

x

“Vrasësit” e Rilindjes

3 Gusht 2022, 20:03, Opinione CNA

“Vrasësit” e Rilindjes

Nga Avokat Pallko Trendelina

Tragjedi! U desh rrugëtimi drejt parajsës i një ëngjëlli të vogël që shumëkush nga ne, banorë të një vendi të bekuar nga zoti dhe mallkuar nga robi, të kuptojmë se është koha të ndërgjegjësohemi për të keqen që rrezikon të shkaktojë dëme të pakthyeshme. Të ndërgjegjësohemi që ky vend drejtohet nga vrasës serialë, viktima e të cilëve, nesër, mund të jetë çdokush.

Një lumë urrejtje, me të drejtë, u derdh mbi Arjan Tasen, autorin e tragjedisë i cili, dje, gradën e komisarit e konvertoi në atë të vrasësit. Vetëm se vrasësi i vërtetë nuk është Arjan Tase, ky i fundit si shumë të tjerë është viktima e rradhës e vrasësve serialë që drejtojnë këtë vend.

-Bledi Çuci është vrasësi i vërtetë i vogëlushes që përloti dje çdo shqiptar. Ky kollovar i qeverisë, i cili gjënë më të mirë që di të bëjë është mos bëjë asgjë, nuk është gjë tjetër veçse një vrasës serial i rilindjes që çdo ditë e më shumë sjell veç vdekje. Çdo ditë banda, çdo ditë dhunë, çdo ditë drogë, çdo ditë vrasje, çdo ditë paaftësi për të bërë asgjë. Dorëheqje?! Jooo… kollovari rri i qetë i shtrënguar pas kariges së pushtetit sepse “këto ndodhin edhe nëpër filma”.

-Dhjetra të mbytur në plazhe. I mbyti deti?! Jooo…i mbyti paaftësia e ministrit të Turizmit dhe Mjedisit, znj. Mirela Kumbaro. Për këdo që çuditet, duhet të dijë se Ministria e Turizmit dhe Mjedisit, znj. Kumbaro, ka për detyrë të zbatojë VKM-në nr. 171 dt. 27.03.2019. Shërbimi me vrojtues plazhi duhet të mbikqyret nga inspektorati përgjegjës i turizmit. Sipas këtij akti nënligjor, të gjitha plazhet duhet të garantojnë shërbimin me vrojtues plazhi përgjatë gjithë kohës

për çdo 80 m vijë lineare bregdetare. Para pak ditësh, viktima e rradhës ishte Anri Kashiku, 18-vjeçari i cili shpëtoi nga mbytja vëllain dhe shokun e tij. Sekti i propagandës e shpalli “Dëshmor të Atdheut”. Dorëheqje?! Jooo… znj. Kumbaro mund të vegjetojë e qetë e shtrënguar pas kariges së pushtetit sepse “këto ndodhin edhe nëpër filma”.

-Para pak ditësh fqinji vrau fqinjin për një konflikt me objekt një vendparimi. Mediat raportuan se vrasësi ishte Alban Meneri. Por jo, edhe në këtë rast vrasësi i vërtetë është një tjetër serial killer, këtë herë është “lali” Erion Veliaj. Ky gllabërues i çdo centimetri katror të çdo hapësire, i verbuar nga makutëria për para e pushtet. Ky vrasës serial që çdo ditë e më shumë realizon misionin e tij vdekjeprurës duke konvertuar oksigjenin në helm. Ska vendparkime, ska hapsira për fëmijët, ska pemë…, ka beton dhe makutëri. Ehh… tamam si nëpër filma.

Vrasës Serial quhen ata njerez që kanë vrarë shumë persona apo përsërisin krimet e tyre në një periudhë të shkurtër apo të gjatë kohe. I kemi mes nesh.

19:37 Opinione Jak Simoni

Turizëm tragjik!

Në një vend si ne, që ka turizmin si sektor parësor të...

11:20 Opinione Brizida Gjikondi

Engjëjt nuk duan zhurmë

Dhimbja është udhërrëfyes i keq... kur e përdor për të til...

11:06 Opinione Artan Fuga

Shqiptari punon kot!

Një nga arsyet kryesore se përse Shqipëria është një vend ...

10:58 Opinione Edi Paloka

Nga arrogant në legen!

Nuk ka asnjë vlerë të bësh qoftë edhe vëzhgime të pjesshme...

22:33 Opinione Lutfi Dervishi

Kiko, pushime në Jug!

Përshtypja e parë ende pa mbërritur në destinacion ish...

14:45 Opinione Edison Ypi

Komshiu

Nuk kishte mënyrë për t'i shpëtuar vigjilencës së komshiut...

Lajmet e fundit nga