E fundit!

14:27 Aktualitet

Gjykata e Lartë publikon listën me kandidatët për anëtarë të KLGJ-së, ja kur do të mbahen zgjedhjet

Gjykata e Lartë ka shpallur kandidatët zyrtarë për anëtarë...

Pse është fshehur kryearroganti i Shqipërisë?

7 Shkurt 2023, 20:14, Opinione Hysni Gurra

Pse është fshehur kryearroganti i Shqipërisë?

Gazetari Hysni Gurra

Njeriu që ka dhuruar “spektakle” arrogance në mbledhjet publike të Partisë Socialiste, njeriu që ka bullizuar gazetarë dhe qytetarë në takimet publike, njeriu që është tallur në Parlament me kë ka mundur, njeriu që i ka dhënë leksion edhe liderëve të BE-së, befas është zhdukur!

Si ka mundësi që çështja McGonigal e ka detyruar Ramën të fshihet pas “fustanit” të Elisa Spiropalit?

Si është e mundur që njeriu që nuk ia ka përtuar me fjalë askujt ka kyçur gojën dhe po mbrohet vetëm nga bodigardët mediatikë, dhe nga tufa e teveqelëve që ka në Parti, që janë gati të thonë se “gomari fluturon”.

Justifikimet e bodigardëve publik të Ramës të kujton pyetjen që i bënë Nastradinit:

-A fluturon gomari?

Po, iu përgjigj Nastradini, me kusht që të gjenden edhe budallenj që ta besojnë.

Por, sikundër thotë edhe vetë z. Rama në Shqipëri nuk ka budallenj, përveç atyre që duan të luajnë rolin.

Rama, ai që fliste për çdo gjë, ai që ishte hazërxhevap për çdo kiamet, ka mbyllur gojën.

Ne, sot nuk e dimë plotësisht se çfarë ka bërë Rama me McGonigal, por sigurisht që ai e di. Kjo është arsyeja që Arroganti nuk guxon të dalë në një konferencë shtypi për çështjen McGonigal.

Kjo është arsyeja që Arroganti nuk guxon të shkojë në një studio televizive për McGonigal.

Kjo është arsyeja që Arroganti nuk guxon të flasë me gazetarë të huaj për McGonigal.

Kjo është arsyeja që Arroganti nuk guxon të shkojë në Parlament për McGonigal.

Kjo është arsyeja që Arroganti nuk guxon të dalë para deputetëve në një mocion me debat për McGonigal

Kjo është arsyeja që Arroganti nuk guxon të lejojë një interpelancë me shkrim për McGonigal.

Kjo është arsyeja që Arroganti nuk lejon të ngrihet komision hetimor parlamentar për McGonigal.

Kjo është arsyeja që Arroganti kur pyetet për hetimin e SPAK për këtë çështje, thotë: nuk ka çështje.

Edhe sikur për kaq gjë, McGonigal duhet “falenderuar’. Trimi i trimave, kryetari i arrogancës në këtë vend ka mbyllur sqepin dhe po mbahet vetëm te tellallët dhe bodigardët mediatikë.