LEXO PA REKLAMA!

SHKARKO APP

E njihni të gjithë! Shoku dhe vëllai im, qe kryeministër në kohëra dramatike/ Nga Agim Xhafka

16 Nëntor 2023, 20:27, Opinione Agim Xhafka
E njihni të gjithë! Shoku dhe vëllai im, qe kryeministër
Agim Xhafka dhe Vilson Ahmeti

Shoku dhe vëllai im Vilson Ahmeti.

E njihni të gjithë. Qe kryeministër në kohëra dramatike,kur vendi kapërxeu nga diktatura në demokraci. Mote plot befasira politike,sociale,ekonomike. Vështruar nga sot them që Shqipëria pati fat të kishte në timon një shtetar si Vilsoni. Të mençur,të urtë,të matur dhe të ekuilibruar. Ka ngelur postulat gjakftohtësie sentenca e tij kur punëtorët e kërcënuan qeverinë me greva. “Veç misioni Pelikan që shpërndan ushqime për popullin mos hyjë në grevë,ju të tjerët bëni ç’t’u dojë e bardha zemër”.

Kam kaq njohje me këtë personalitet sa shpesh pyes veten në e kam shok apo vëlla. Ndaj po sjell ca të panjohura. Nuk po flas për punën si kryëministër se dhe ai kur unë i përmend atë periudhë qesh dhe nuk e cyt bisedën më trj. Fati e solli që kur mora shtëpi në Tiranë komshi pata Vilsonin. Dhe ai kishte një dhomë e një kuzhinë. Atje jetoi edhe kur e bënë kryeministër,edhe kur e hoqën. Unë isha me fat se apartamentin e kisha 52 metër. Vilsoni jetonte në 48 metër. Qe i ri atëhere,martuar dhe lindur një gpcë. Fëmija i vetëm që rrezatonte nga larg prindërit aq të dashur e të qeshur. Punonte te ndërmarrjet e tregtisë me jashtë. Një mëngjes dolëm njëkohësisht nga shtëpitë. Ai me shërbim në Paris,unë me shërbim në Pukë. Qeshëm sa mësuam itineraret tona. Më pas ai zv/ministër unë gazetar. Më tej nisën lëvizjet e studentëve dhe Vilsoni me bashkëshorten,Fluturën, prisnin lajme nga unë për çdo ndryshim. Donin atë që po vinte. Shtëpia e tij u kthye darkave në mjedis debatesh,hamendjesh dhe shpresash. Aty hynin e delnin gazetarë,politikanë,zyrtarë. Ajo dhomë e kizhinë u bë Shna Ndoi i Laçit. Më pas në shkallët e pallatit erdhi garda se vëllai im u bë kryeministër. E takoja rrallë nga që ikte natën e vinte në mëngjes. Iu luta të më vendoste një telefon në shtëpi,po s’ma fërshëlleu. I thashë të më jepte një apartament 2 1,por më tha:

-Nuk të largoj nga vetja.

Më pas erdhën vite të vështira për të gjithë. U bë ish-kryeministër,por u gëzuam nga që i mbetej kohë për miqtë e shokët si dhe për mësimet e vajzave të mija. Vilsoni është inxhinier dhe binjaket e mija tek ai korigjonin vizatimin teknik.

Sot u takuam rastësisht. Siç na ndodh ahpesh. Ai në punët e tij,unë në të mijata,por çdo ditë me cel e sms azhornohemi për shëndetin,për familjet dhe ç’do bësh këtë apo atë fundjavë.

Ja pse shpesh pyes veten,ore në këtë njeri të mirë unë e kam shok apo vëlla?

-Është vëllai im,-thotë gruaja.

-Është vëllai ynë,-e korigjoj unë.

17:17 Opinione Monika Stafa

DASHURIA E ALEHANDRËS

Në Izrael ka nisur lufta. Në një mbrëmje kërcimi atje ...

Lajmet e fundit nga