E fundit!

11:59 Aktualitet

Mosfillimi i hetimeve për punonjësit e paraburgimit/ Ish-presidenti i drejtohet Gjykatës së Tiranës

Ish-presidenti Ilir Meta i është drejtuar Gjykatës së Tira...

Dhjetë vite pushtet rilindja/ Çfarë ka ndryshuar?

14 Janar 2023, 12:42, Opinione Hysni Gurra

2013-2023, një dekadë që Shqipëria qeveriset nga e majta. Përtej propagandës, qoftë ajo e bardhë nga pushteti, apo e zezë nga opozita, secili shqiptar duhet të bëjë një kalkulim me veten dhe atë që prek çdo ditë.

Çfarë thanë se do bëjnë e çfarë bënë në pushtet të majtët?

Në vitin e 10-të në pushtet shqiptarët përdorin të njëjtat rrugë për të shkuar nga Tirana në Durrës, nga Tirana në Shkodër, nga Tirana në Kukës, nga Tirana në Korçë, nga Tirana në Vlorë, infrastrukturën që gjetën në 2013.

Asnjë km rrugë e re, përveç përfundimit të një pjese që mbeti nga aksi Tiranë-Elbasan, edhe ajo e përfunduar me një kosto shumë të lartë financiare dhe cilësi katastrofë. E keni parë të gjithë si është rruga, përkundet makina sikur është djep kur kalon në të.

Në Durrës kalojmë nëpër të njëjtën rrugë që kalonim në 2013.Po ashtu për në Shkodër.

Për në Kukës/Kosovë e njëjta rrugë e 2013, vetëm se paguajmë për herë të tretë për të, nuk paguajmë për rrugën, paguajmë thjeshtë një gjobë.

Për në Fier/Vlorë më në fund kemi një bypass në Fier të përfunduar, akoma jo plotësisht i përfunduar ai i Vlorës. Por, kontratat e të dyve janë nënshkruar qysh më 2012, dhe fondet janë të BE-së. Jo të qeverisë shqiptare. Të dyja kanë kushtuar shumë herë më lirë për km sesa çdo km tjetër që është shtruar me fondet e taksave të shqiptarëve. Si ai Kardhiq-Delvinë, 33 km, nisur qysh më 2007, mezi mbaroi në 2022. Përveç vonesës në kohë, me kosoto 29% më të lart se ç’ishte parashikuar.

Qukës - Qafë Plloçë është shembulli që sinjifikon më së miri dështimin e kësaj mazhorance për të bërë punë. Rruga filloi në 2013, nuk ka mbaruar akoma me gjithë shtesat e fondit herë pas here. Do të ishte bërë më shpjet e do na kishte kushtuar më lirë sikur ta bënin vetë fshatarët e zonës me kalldrëm.

Ka ndryshuar infrastruktura në fshatrat e Vlorës, por mos harroni, mbi 70% të fondeve të Fondit Shqiptar të Zhvillimit janë investuar vetëm në qarkun e Vlorës. Shumë mirë që janë bërë disa fshatra me rrugë në ato zona, shumë keq që qeveria shqiptare ka shpërndarë në mënyrë të pabarabartë fondet.

Rilindja urbane është një tjetër gjë që pushteti tenton të krenohet. Në fakt është një tjetër masakër urbane dhe shpërdorim fondesh publike për fasadë. Pa përmendur që në shumë raste është një shëmti estetike që ka dalë nga mendja e një njeriu të vetëm, sipas fantazisë së tij dhe jo e profesionistëve urbanistë.

Në vend të kanalizoheshin në prodhim e rritje mirëqenie këto fonde janë shpërdoruar kot.

Po marrë dy shembuj, Erseka dhe Tepelena janë dy simbolika, dy qytete fantazmë, të braktisura nga njerëzit, ç’ka tregon se pllakat e shesheve të qyteteve nuk ndaluan shpopullimin dhe nuk sollën mirëqenie ekonomike për vendasit. Kështu është në çdo qytet.

Nga 2015 e këtej jemi i vetmi vend në rajon që nuk përdorim më trenin. Është shkatërruar plotësisht Hekurudha Shqiptare.

Jemi de facto pa portin më të madh në vend, atë të Durrësit. Ndoshta hera e parë në 2000 e ca vjet histori portuale të Durrësit që gjendet në një situatë të tillë.

Aeroport kemi atë që kishim në punë, Rinasin. Aeroporti i Kukësit ka punuar- s’ka punusr 2 muaj në vit gjithësej. Investim i huaj kanalizuar në mënyrën më të kotë të mundshme. Në një qytet të braktisur - kujt i hyn në punë aeroporti në një vend që braktiset për ditë.

Një dekadë propagandë, në realitet përdorim të njëjtën infrastrukturë që la qeveria që u largua nga pushteti qysh më 2013.