LEXO PA REKLAMA!

SHKARKO APP

Media, si (bashkë)fajtore ndaj shoqërisë!

4 Janar 2023, 20:06, Opinione Mentor Kikia
Media, si (bashkë)fajtore ndaj shoqërisë!
Foto ilustruese

Pjesë e medias prej 30 vjetesh, unë gjithnjë e më shumë bindem se media është një përgjegjës i rëndësishëm për faktin se ku jemi dhe si jemi ne sot, si vend dhe shoqëri.

Media informon dhe ky është misioni i saj themelor dhe historik!

Por, a informon dot media sot me korrektesë dhe paanshmëri, kur interesat e shumicës së pronarëve janë deri në fyt në paratë publike?

Media edhe edukon!

Por, a edukon sot media, kur për hir të audiencës ekranet janë mbyshur me lloj-lloj perversiteti dhe ku mungon qoftë edhe një program edukativ për fëmijë?

Media prodhon edhe kulturë!

Por si programe kulturore konsiderohen ato të showbiz-it, mbushur me lakuriqësi dhe vulgaritet, apo lajme me kush u martua e kush u divorcua nga VIP-at e artit.

Media prodhon opinion!

Por opinionbërja sot sundohet nga debate ku më i ndjekuri është ai që bërtet më shumë dhe tregon më shumë mungesë edukate.

Media prodhon analizë!

Por shumica e analistëve janë fallxhore që “prashikojnë” se çfarë do të ndodhë pas një, apo disa muajsh me Berishën, Ramën apo Metën.

Shumë “fallxhorë” të tjerë parashikojnë se sa njerëz të rëndësishëm do të arrestohen muajin tjetër, apo verën e ardhshme.

Fallet asnjëherë nuk u dalin. Por portalet mbushen me tituj “Ja kush do të arrestohet pas një muaji”… “Ja çfarë do të ndodhë në shtator”, “Ja kur do hapet burgu për VIP-at e politikës”…

Janë lloqe…

E kujt i plasi? Programit kaq i duhet. A riprodhohen këto lloqe nëpër portale dhe a merr shikime dhe klikime programi?

Tani vijmë tek pyetja: Kush e ka fajin?

Media që prodhon këtë lloj gjelle, apo ju që e blini?

Debati është i gjatë.

Disa thonë se media duhet ta edukojë shijen e publikut. Por të tjerë mendojnë se kuzhinieri gatuan çfarë hanë klientët dhe jo çfarë do ai.

08:07 Opinione Kastriot Dervishi

"Kryeveterani"

Për ta kuptuar sa shumë e kanë dëmtuar gjermanin ata që ka...

Lajmet e fundit nga