web counter
LEXO PA REKLAMA!

SHKARKO APP

App Store
Google Play

"Kryeveterani"

3 Janar 2023, 08:07, Opinione Kastriot Dervishi

"Kryeveterani"

Për ta kuptuar sa shumë e kanë dëmtuar gjermanin ata që kapardisen prej vitesh pas shkollave 9-vjeçare duke ndarë tesera me yje të kuq për fëmijët, e që gjithë shqetësimin e kanë te koha e gazepit, mjafton të shohësh jetën e kryeveteranit.

E filloi si marangoz, vijoi si pjatalarës dhe në vitin 1942 punonte duke thyer gurë te një shoqëri italiane në Vlorë. Në fund të vitit 1943 erdhi në Tiranë, duke punuar në një pijetore me bilardo. Gjatë kësaj kohe “u përfshi në një grup”, për të “ndihmuar luftën”.

“Bëja punën e korrierit dhe rikopjoja trakte”-shkruan në autobiografinë e vitit. Pjesa më tërheqëse te autobiografia e kryeveteranit është e mëposhtmja:
“Mirëpo në pragun e parafillimit të luftës së Tiranës, duke na tradhtuar një shoqe të cilën e quanin Kaliopi (mbiemrin nuk ia di), si konsekuencë u arrestuan disa shokë si Kiço Dukoli, Petro Çuka dhe një farë Misto. Me këtë rast u internuan për në Prishtinë.

Njëri prej tyre, Kiçua, mbeti dëshmor atje. Sigurisht në këtë kohë u shpartalluam dhe me këtë rast unë i humba lidhjet me shokët. Pikërisht në këtë kohë u bë lufta e Tiranës.

Në fillim të hapjes së luftës, unë u mbylla brenda, por pas 5-6 ditësh duke menduar se do të kapesha nga forcat gjermane, dola jashtë dhe tentova të kaloj nga zonat e çliruara, por nuk munda. Kështu që mbeta në zonën e gjermanëve deri në çlirimin e gjithë Tiranës”.

Shihni ëndrra me komandantë e luftara heroike tani.





Lajmet e fundit nga