E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Ylli i Hollivudit fotografohet gjatë xhirimeve të filmit të ri në rolin e regjisores

8 Korrik 2022, 22:41, Lifestyle CNA

Ylli i Hollivudit fotografohet gjatë xhirimeve të filmit të ri

Angelina Jolie

Angelina Jolie ishte gati për aksion, teksa tashmë shihet në rolin e saj si regjisore në xhirimet e filmit të ardhshëm “Without Blood”, teksa kasti dhe ekipi po filmonin gjatë natës në rrugët e Romës.

47-vjeçarja, e cila po bën një hap prapa nga aktrimi dhe po fokusohet te filmimi, u shfaq plot energji, teksa po shkonte në sheshin e xhirimeve, me kufje të vëna.

Asaj iu bashkua aktorja Salma Hayek, e cila u pa me kostum të zi teksa filmonte skenat për filmin.

Ylli i Hollivudit fotografohet gjatë xhirimeve të filmit të ri

Angelina veshi një fustan të bardhë në kryeqytetin italian së bashku me një palë sandale dhe, një maskë në një përpjekje për të mbrojtur veten dhe të tjerët nga koronavirusi.

Ajo u pa duke biseduar me anëtarët e stafit dhe ishte e rrethuar nga pajisjet e xhirimit në shesh. Jolie dhe Hayek ishin në humor të mirë teksa bisedonin gjatë një pushimi nga xhirimet.

“Without Blood” është i bazuar në romanin më të shitur ndërkombëtar me të njëjtin emër të shkrimtarit italian Alessandro Bariço – ku Angelina është vendosur për ta shkruar, drejtuar dhe prodhuar atë. Libri fokusohet në brutalitetin e luftës dhe kërkimin e një vajze të re për shërim pas një akti dhune.

Aktori meksikan Demián Bichir gjithashtu do të luajë në film së bashku me Salma.

Ylli i Hollivudit fotografohet gjatë xhirimeve të filmit të ri

Duke folur pas shpalljes së filmit, Angelina tha: “Jam e nderuar që jam këtu në Itali për të sjellë këtë material shumë të veçantë në film dhe që më është besuar nga Alessandro Bariço përshtatja e librit të tij – me poezinë dhe emocionet e tij unike, dhe mënyra e shikimit të luftës, dhe pyetjet që ajo shtron për atë që ne kërkojmë pas traumës, humbjes ose padrejtësisë”.

Jennifer Mullin, CEO Global në Freemantle, shtoi: “Ne jemi të emocionuar që punojmë me Angelinën dhe ekipin e jashtëzakonshëm ndërkombëtar që ajo ka mbledhur. Ky projekt nënvizon angazhimin e vazhdueshëm të Fremantle për të prodhuar filma artistikë me cilësi të lartë dhe drama origjinale duke punuar me talentet më të mira nga e gjithë bota.”

Në shkurt të vitit 2017, Angelina u tha se do të zhvillonte “Without Blood” me synimin për të drejtuar./CNA.al