Nuk keni oreks në mëngjes/ Këto mund të jenë arsyet

22 Qershor 2022, 17:44, Lifestyle CNA

Nuk keni oreks në mëngjes/ Këto mund të jenë arsyet

Foto ilustruese

Të gjithë kemi dëgjuar se mëngjesi është vakti më i rëndësishëm i ditës. Por të gjithëve na qëllon që të mos jemi të uritur në mëngjes. Sipas specialistëve mungesa e urisë në mëngjes mund të jetë një shenjë e një problemi serioz ashtu edhe siç mund të jetë diçka shumë normale dhe nuk mund të ketë asgjë për t’u shqetësuar. Arsyet që kemi renditur më poshtë mund t’iu ndihmojnë që të kuptoni pse nuk ndiheni të uritur në mëngjes.

Keni ngrënë shumë mirë një darkë përpara

Veçanërisht nëse keni ngrënë një vakt të pasur me yndyrë apo proteina. Këta makronutrientë mund të ngadalësojnë zbrazjen e stomakut tuaj dhe t'ju bëjnë të ndiheni më të ngopur deri në mëngjes.

Nivelet e hormoneve tuaja ndryshojnë brenda natës.

Gjatë natës dhe gjatë gjumit, nivelet e disa hormoneve në trupin tuaj luhaten. Kjo mund të ndryshojë oreksin tuaj. Sipas disa hulumtimeve, nivelet e epinefrisë, e njohur ndryshe dhe si adrenalinë, priren të jenë të larta në mëngjes.

Besohet se ky hormon shtyp oreksin duke ngadalësuar shkallën me të cilën stomaku juaj zbrazet dhe duke rritur ndarjen e karbohidrateve të ruajtura në mëlçi dhe muskuj për të ushqyer trupin tuaj.

Ndiheni të shqetësuar ose të dëshpëruar

Si ankthi ashtu edhe depresioni mund të ndikojnë ndjeshëm në nivelin tuaj të urisë. Përveç simptomave të tilla si shqetësimet e gjumit, lodhja dhe humbja e interesit, depresioni mund të shkaktojë ndryshime të oreksit.

Shtatzënia

Rreth 80% e femrave gjatë shtatzënisë zgjohen në mëngjes me të vjella. Si rrjedhojë, nuk kanë dëshirë për të ngrënë mëngjes. Përveç të vjellave në mëngjes, shtatzënia mund të shkaktojë simptoma të tjera që reduktojnë urinë si dispepsi, fryrje dhe zbrazje të vonuar në stomak.

Jeni i sëmurë

Infeksionet e frymëmarrjes si ftohja, gripi apo pneumonia ju bëjnë të ndiheni më pak të uritur. Pasi këto sëmundje mund të shkaktojnë gjithashtu simptoma që reduktojnë urinë dhe oreksin. Këto infeksione gjithashtu kufizojnë shqisat tuaja të shijes dhe nuhatjes, të cilat mund të zvogëlojnë oreksin tuaj duke përfshirë dhe të vjellat.

Keni probleme me tiroiden

Humbja e oreksit mund të jetë shenjë e hipotirozimit ose thënë ndryshe, uljes së funksionit të tiroides.

Përktheu dhe përshtati në shqip CNA.al