Njihuni me “babain” e "Tik-Tok"-ut /Ai ka plot 3 milionë ndjekës

20 Qershor 2022, 21:50, Lifestyle CNA
Njihuni me “babain” e "Tik-Tok"-ut /Ai ka plot 3
Summer Calyton

Ai ka plot 3 milionë ndjekës...

Summer Calyton nuk është akoma baba biologjik, por ai është babai i 3 milionë ndjekësve.

Edhe pse është vetëm 26 vjeç u vjen në ndihmë të gjithë atyre që kanë humbur baballarët e tyre apo që nuk e kanë njohur.

Çdo javë, ai ulet në tavolinën e kuzhinës dhe bën bisedë virtuale me ndjekësit e  tij.

Me vëmendje të madhe i dëgjon problemet e tyre, madje shpesh koncentrohet aq shumë saqë krijohet përshtypja që është “kokë e këmbë” me ta.

Clayton është trajner fitnesi në bazën ajrore të ushtrisë amerikane Columbus në verilindje të Misisipit.

Nuk është terapist apo trajner që i mëson të tjerët të tejkalojnë problemet që mund t’i kenë në jetë, por ai e bën këtë në mënyrë vullnetare dhe u vjen në ndihmë njerëzve që kanë probleme të ndryshme apo atyre që kanë nevojë thjesht për ngushëllim.

Edhe pse për disa kjo mënyrë e diskutimit është qesharake, për disa të tjerë kjo mënyrë komunikimi i ka bërë njerëzit të ndihen mirë. Madje, ndjekësit e tij i kanë vënë nofkën ‘babai krenar’.

Ai nuk heziton të flasë me ndjekësit e tij edhe për ngjarjet ditore apo problematika të ndryshme politike./CNA.al

 

 

 

Lajmet e fundit nga