web counter
LEXO PA REKLAMA!

SHKARKO APP

App Store
Google Play

Një shqiptare, pjesëmarrëse në “Grande Fratello Italia”/ Kush është bukuroshja që konkuron për çmimin e madh

17 Shtator 2023, 16:45, Lifestyle CNA
Një shqiptare, pjesëmarrëse në “Grande Fratello
Heidi Baci

Një shqiptare do të jetë pjesë e këtij edicioni të “Grande Fratello Italia”, i cili startoi më 11 shtator.

Bëhet fjalë për Heidi Bacin. Bukuroshja bjonde ishte një nga hyrjet e reja të mbrëmjes së kaluar në këtë reality shoë.

Ajo ka lindur në vitin 1998 dhe të dy prindërit i ka shqiptarë, ndonëse ka jetuar gjithmonë në Pescara.

Ka qenë vetë Heidi Baci ajo që tregoi origjinën e saj.

“Unë jam me origjinë shqiptare”, tha ajo në klipin e prezantimit, ndërsa shfaqi synime të qarta për konkurimin në “Grande Fratello Italia”.

“Brenda shtëpisë do të jetë një sfidë interesante sepse më pëlqen të ndërmarr veprime dhe të rrezikoj, por gjithmonë me buzëqeshje sepse kushdo që ka guximin të qeshë është zot i botës!”, deklaroi Heidi.

Bukuroshja shqiptare ka punuar si modele dhe në vitin 2018 mori pjesë edhe në përzgjedhjet për “Miss Italia”.

Në vitin 2019, ajo u diplomua për bioteknologji, ndërsa më vonë jetën ia dedikoi sipërmarrjes në sektorin detar dhe tashmë ka ndërmarrë sfidën e radhës./ CNA





Lajmet e fundit nga