E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Brenda 50 vjetorit të Devis Xherahut/ Të ftuarit Vip që festuan në ditëlindjen e këngëtarit

16 Shtator 2023, 09:29, Lifestyle CNA

Devis Xherahu

Devis Xherahu është një nga këngëtarët dhe artistët më të mirë të muzikës shqiptare. Këngëtari nga Korça një ditë më parë ka festuar 50 vjetorin e tij të lindjes.

Xherahu ka festuar mes familjarësh dhe miqve më të ngushtë dhe disa nga momentet nga festa e tij private i ka ndarë me të gjithë ndjekësit në rrjetet sociale.

Në 50 vjetorin e tij ishin të ftuar dhe personazhe të tjerë të njohur të ekranit.

Këngëtari Endri Prifti, aktori Agron Llakaj, regjizori Petri Bozdo, aktori Ledio Lako, këng?7tari dhe kompozitori Arjan Dredhasi, moderatorja Ola Bruko, biznesmenë si Albert Sino etj. ishin disa prej të ftuarëve në ditëlindjen e këngëtarit.

Endri Prifti dhe vetë këngëtari Devis Xherahu janë kujdesur që në këtë mbrëmje të mos mungojë as muzika e mirë dhe kanë kënduar për miqtë e tyre.

Stafi i CNA i uron edhe 100 këngëtarit Devis Xherahu

Kujtojmë se Devis Xherahu ka një karrierë shumë vjeçare në muzikë.

Ai ka nisur të këndojë që në fëmijëri në skenat e shkollës dhe festivalet e fëmijëve në qytetin e Korçës.

Skena e parë për Devisin si për gjithë korçarët ishte rruga me kalldërm e Korçës që do të thotë se ka qenë pjesëmarrës në festivalet e serenatave korçare si 13 vjeçar.

Po ashtu Devis Xherahu është paraqitur edhe në festivale të ndryshme ku kishte mjaft sukses si dhe nëpër emisione të ndryshme ku ai këndonte live këngët e tij më të bukura.

Brenda 50 vjetorit të Devis Xherahut/ Të ftuarit Vip që festuan

Në vitin 1993 ai fitoi çmimin e parë në festivalin e serenatës shqiptare që u zhvillua në Korçë.

Në vitin 1994 vazhdojnë paraqitjet në spektaklet që organizonte Vera Grabocka në "Miss Albania 94”.

Në vitin 1997 gjatë emigrimit të tij në Greqi ai mori pjesë në një Talent-Shoë ku mori edhe Cmimin e Parë.

Në vitin 1998, Devis Xherahu publikon albumin "Në Errësirën E Natës".

Brenda 50 vjetorit të Devis Xherahut/ Të ftuarit Vip që festuan

Në Shqipëri në vitin 2000 paraqitet në festivalin e pranverës në Tiranë me një këngë të Agron Xhungës, ku u vlerësua nga kritika pozitive.

Në Prill 2006, Devis Xherahu merr pjesë në Top Fest 3 me këngën "Lemza". Në Dhjetor 2007, Devis Xherahu merr pjesë në Festivali i 46-të në RTSH me këngën "Endacaku"./ CNA