Xhakarta drejt fundosjes/ Indonezia, plane për të zhvendosur kryeqytetin

4 Maj 2024, 22:45, Kuriozitete CNA

Xhakarta drejt fundosjes/ Indonezia, plane për të zhvendosur

Xhakarta ndodhet në bregun veriperëndimor të ishullit Java, është kryeqyteti i Indonezisë dhe qyteti më i madh e më i zhvilluar i vendit.

Xhakarta është shtëpia që strehon rreth 10.6 milionë njerëz brenda kufijve të territorit të saj dhe 30 milionë të tjerë në zonën metropolitane.

Sipas “Business Insider”, kryeqyteti indonezian ndodhet nën procesin e fundosjes dhe aktualisht rreth 40 % e territorit të saj është nën nivelin e detit.

Xhakarta drejt fundosjes/ Indonezia, plane për të zhvendosur

Qeveria indoneziane po planifikon ta zhvendosë kryeqytetin në Nusantara, qytet ky që po ndërtohet në bregun lindor të Borneos.

Media vendase bëjnë të ditur se ndërtimi i Nusantaras do t’i kushtojë Indonezisë rreth 35 miliardë dollarë dhe nuk do të përfundojë deri në vitin 2045.

Vitet e fundit rritja e nivelit të detit ka ndikuar që Xhakarta të fundoset më shpejt, gjë që e ka përshpejtuar edhe vendimin e qeverisë për të zhvendosur kryeqytetin.

Vendimin e zhvendosjes e mori presidenti indonezian, Joko Widodo, në Gusht të 2019-ës. Vendndodhja e kryeqytetit të ri do ketë rrezik të ulët për tërmete, cuname, shpërthimet vullkanike.

Xhakarta drejt fundosjes/ Indonezia, plane për të zhvendosur

Siç paralajmërojnë ekspertët e mjedisit, një e treta e kryeqytetit të Xhakartës mund të zhytet krejtësisht nën ujëra deri në vitin 2050.

Indonezia ka rreth 276 mln banorë të shpërndarë në më shumë se 17 mijë ishuj, 200 mijë janë duke punuar në ndërtimin e Nusantaras, popullsia fillestare e të cilit pritet të jetë rreth 500 mijë.

Qeveritarët e politikanët kanë konfirmuar se kryeqyteti i ri i Indonezisë do të jetë metropol “i gjelbërt dhe i mundësuar tërësisht nga energjia e rinovueshme”.

Në kryeqytetin i ri të Indonezisë, Nusantara, planifikohet të ndërtohet një central diellor 50 megavat, ndërsa popullsia do të lëvizë vetëm me automjete elektrike.

Xhakarta drejt fundosjes/ Indonezia, plane për të zhvendosur

Ndërtimi i tij pritet të kushtojë 35 miliardë dollar. Qeveria është angazhuar për të siguruar vetëm 20% të fondeve dhe po përpiqet të gjejë burime të tjera financimi.

Indonezia nuk është shteti i parë që detyrohet ta zhvendosë kryeqytetin, Brazili e bëri këtë me Rio de Janieron në 1960, në 1991 kryeqyteti i Nigerisë, Lagos u zvendësua nga Abu.

Por zhvendosja e kryeqytetit të Indonezisë Xhakartë në Nusantara është hera e parë që vjen si shkak i krizës klimatike, shkruan “Business Insider”./ CNA