LEXO PA REKLAMA!

SHKARKO APP

App Store
Google Play

E fundit!

x

Studimi i frikshëm: Përmbytjet shekullore do të bëhen ndoshta të përvitshme

3 Tetor 2023, 22:34, Kuriozitete CNA

Studimi i frikshëm: Përmbytjet shekullore do të bëhen

Kohët e fundit kemi nisur të përdorim gjithnjë e më shpesh termin “përmbytje shekullore”, pra që ndodhin gati çdo 100 vjet. Por bëhuni gati, sepse këtë fjalë do ta dëgjoni gjithnjë e më shpesh. Sepse sipas një studimi të Universitetit të Alabamës në SHBA, të publikuar kohët e fundit në “Earth’s Future”, ato që dikur ishin ngjarje shumë të rralla, dhe që ndodhnin mesatarisht një herë në 100 vjet, do të bëhen gjithnjë e më të shpeshta, deri në pikën sa të kenë një frekuencë dhjetëvjeçare apo edhe vjetore.

Më pak plazhe, më shumë përmbytje

Përmbytjet shekullore quhen të tilla sepse çdo vit ato kanë probabilitet 1 për qind që të ndodhin (i llogaritur në bazë të të dhënave historike), dhe për këtë arsye ndodhin mesatarisht një herë në shekull. Padyshim, kjo nuk do të thotë se ato nuk mund të ndodhin disa herë brenda disa viteve, apo të mos shfaqen për më shumë se 100 vjet.

Rëndësi ka që këto janë ngjarje ekstreme dhe teorikisht shumë të rralla, për të cilat mund të përgatitesh paraprakisht. Problemi është se me ngrohjen globale të planetit tonë, po rritet niveli i detit, duke “ngrënë” deri në 1 metër plazh çdo vit, dhe për rrjedhojë duke i afruar shtëpitë dhe infrastrukturat e tjera më pranë ujit, duke i bërë kështu ato më të pambrojtura.

Studimi analizoi të ardhmen e këtyre zonave në dy skenarë të ndryshëm:në të parën, emetimet e gazeve serrë vazhdojnë të pandalshme në nivele aktuale, ndërsa në të dytën ato arrijnë kulmin në vitin 2040, dhe më pas fillojnë të bien.

Përgjigjet parandaluese

Lajmi i keq është se nuk ka ndonjë dallim të madh midis dy skenarëve: në të dyja rastet, përmbytjet e shekullit do të jenë gjithnjë e më të shpeshta në të gjitha zonat që i nënshtrohen simulimit. Janë 300 të tilla në mbarë botën. Që nga viti 2050, zonat bregdetare në të gjithë planetin mund të fillojnë të përjetojnë një përmbytje “100-vjeçare” çdo 10 deri në 15 vjet, dhe deri në fund të këtij shekullit të njëjtat zona do të përjetojnë një përmbytje (dikur 100-vjeçare) mesatarisht një herë në vit.

Fakti ngjarje të tilla do të përshkallëzohen edhe nëse do të arrinim që të ngadalësojmë ose eliminojmë emetimet e gazeve serrë në atmosferë, na tregon se situata është aktualisht e pariparueshme:përgjigja jonë duhet të jetë parandaluese, dhe kjo na nxit të ri-mendojmë planifikimin urban të zonave më të rrezikuara, duke marrë parasysh se ato rrezikojnë të dëmtohen nga përmbytje të mëdha që mund të ndodhin çdo vit dhe jo çdo 100 vite./ Përkthyer dhe përshtatur nga CNA

Lajmet e fundit nga