LEXO PA REKLAMA!

SHKARKO APP

Gjendet pas 8 muajsh domatja e humbur në hapësirë ​​

7 Dhjetor 2023, 13:30, Kuriozitete CNA

Gjendet pas 8 muajsh domatja e humbur në hapësirë ??

Një mister është zgjidhur së fundmi nga astronautët, të cilët po eksperimentonin me kultivimin e domateve në hapësirë.

Astronautët kishin kultivuar gjatë misionit të tyre në mars disa domate. Secili prej tyre mori nga një domate, por ajo e Frank Rubios humbi papritur, duke lënë dyshime se mund të ishte ngrënë nga ky i fundit, ndonëse astronauti e mohonte.

8 muaj pas kësaj ngjarjeje, kolegët e Frank Rubios gjetën domaten e tharë.

“Miku ynë i mirë Frank Rubio, i cili u nis për në shtëpi, është fajësuar për një kohë të gjatë për ngrënien e domates. Por ne mund ta shfajësojmë atë. Ne e gjetëm domaten”, tha duke bërë shaka astronautja e NASA-s, Jasmin Moghbeli gjatë një lidhjeje më 6 dhjetor.

Domatja ishte 2,5 centimetra e gjerë dhe ishte ruajtur në një qese Ziploc. Frank Rubio e humbi domaten në kabinën ku jetonin në 29 mars të 2023-shit dhe asokohe kjo ngjarje u trajtua me sportivitet.

“Kam kaluar kaq shumë orë duke e kërkuar atë. Jam i sigurt se domatja e tharë do të shfaqet në një moment dhe do të më shfajësojë në të ardhmen”, tha Rubio me shaka në shtator. 

E megjithatë tashmë misteri u zgjidh, domatja u gjet pas 8 muajsh./ CNA

Lajmet e fundit nga