LEXO PA REKLAMA!

SHKARKO APP

App Store
Google Play

E fundit!

x

Projektues i Pallatit të Kongreseve/ Ndahet nga jeta arkitekti i njohur korçar

1 Prill 2023, 20:04, Kulturë CNA

Projektues i Pallatit të Kongreseve/ Ndahet nga jeta arkitekti i njohur

Është ndarë nga jeta arkitekti i njohur korçar Vladimir Bregu.

Lajmin e trishtë e ka bërë të ditur prefekti i Qarkut të Korçës, Nertil Jole nëpërmjet një reagimi në rrjete sociale.

Vladimir Bregu ka qenë i njohur si projektues i Pallatit të Kongreseve si dhe pjesë e grupit të projektimit të Piramidës në kohën e ndërtimit të saj.

Jole në reagimin e tij ka përmendur edhe projekte të tjera në zë të arkitektit të njohur si City Center në hyrje të Korçës.

Vitet e fundit të jetës arkitekti i njohur i ka kaluar ndërmjet Kanadasë dhe Shqipërisë, aty ku dhe ndërroi jetë.

“Eshte ndarë papritur nga jeta arkitekti i njohur korçar Vladimir Bregu.

Përveçse profesor i arkitekturës, Vladimir Bregu është projektues i shumë prej objekteve kryesore në Tiranë si Pallati i Kongreseve, Piramida (bashkëprojektues) e shumë të tjera, ku ndërthuret tradita me elemente modernë.

Ndër shumë projekte të tij, janë edhe City Center në hyrje të Korçës dhe i njohuri si Kubi në qytetin tonë.

Ngushëllime familjarëve për humbjen e tyre!

Prof. Vladimiri u prehtë në paqe dhe qoftë i paharruar", shkruan Nertil Jole në postimin e tij./CNA.al

Lajmet e fundit nga