LEXO PA REKLAMA!

SHKARKO APP

Ndër komunistët e parë shqiptarë/ Përkujtohet 123-vjetori i lindjes së Sejfulla Malëshovës

2 Mars 2023, 12:18, Kulturë CNA

Ndër komunistët e parë shqiptarë/ Përkujtohet

Më 2 mars 1900, ka lindur Sejfulla Malëshova, i cili ka qenë sekretar i kabinetit Noli. Gjithashtu, Sejfullai ka qenë ndër komunistët e parë, përkthyes dhe letrar shqiptar. Arsimin fillor e kreu në vendlindje, kurse studimet e mesme i kreu në Itali në kolegjin "San Demetrio di Corona".

Këtu së bashku me mikun e tij Odhise Paskalin botoi revistën "Studenti Shqiptar", në të cilën botoi edhe vjershat e tij të para. Më pas ndoqi Fakultetin e Mjekësisë në Romë.

Në gjysmën e dytë të vitit 1924 ishte kryesekretar i kabinetit të qeverisë së Fan Nolit. Pas dështimit të Lëvizjes së qershorit emigroi në Bashkimin Sovjetik. Më 1926-1930 ndoqi universitetin Lemonosov të Moskës për filozofi. Në qershor të 1928-ës seksioni ballkanik i Kominternit miratoi formimin e një partie komuniste në Shqipëri. Malëshova qe pjesë e programit, për të përkthyer tekstet në bashkëpunim me Llazar Fundon dhe Fan Nolin.

Më 1931-shin bëhet anëtar i Partisë Komuniste të Bashkimit Sovjetik, ndërsa dy vjet më pas u emërua pedagog në universitetin ku kishte studiuar. Në vitin 1934 pranohet në Komintern dhe me këtë detyrë kthehet më 1943 në Shqipëri dhe zgjidhet anëtar i Shtabit të Ushtrisë NAÇL dhe anëtar i Këshillit të Përgjithshëm të Frontit.

Më 1944-1946 anëtar i KANÇ-it. Më 1944 kreu detyrën e ministrit për Shtypin, Propagandën dhe Kulturën Popullore. Më 1946-'50 u zgjodh deputet. Më 1946-'48 qe anëtar i Presidiumit të Kuvendit Popullor.

Më 1946-'47 ministër i Arsimit si dhe kryetar i Lidhjes së Shkrimtarëve dhe Artistëve. Pas kësaj u denigrua vazhdimisht për pikëpamjet e tij "oportuniste" dhe u dërgua të punojë punë të ulëta. Prej vitit 1956 u vendos në Fier, ku punoi si magazinier. Më 11 qershor 1971 Sejfulla Maleshova u nda nga jeta.

Lajmet e fundit nga