LEXO PA REKLAMA!

SHKARKO APP

"Shqiponjat" shtojnë kontrollet në Tiranë/ Ja 3 zonat më të rrezikshme

28 Qershor 2022, 17:52, Kronika CNA
"Shqiponjat" shtojnë kontrollet në Tiranë/ Ja  3 zonat
Foto ilustruese

Tirana, kryeqyteti i vendit rritet me numër banorësh çdo ditë. Kjo rritje e popullsisë shton edhe kriminalitetin dhe sigurinë në kryeqytet. Të gjithë jemi dëshmitarë të forcave të shumta të policisë që shikohen në çdo cep të kryeqytetit.

Nga këto kontrolle forca e posaçme "Shqiponja" mbajnë një peshë të madhe të ruajtjes së rendit dhe sigurisë në kryeqytet.

Sipas të dhënave gjatë këtij viti ky repart ka sekuestruar dhjetëra armë dhe ka arrestuar disa persona në kërkim.

Gjurmimi i automjeteve të dyshuara apo mjediseve ku mund të fshihet element kriminal bëhet përmes informacioneve në rrugë operative, por edhe bashkëpunimit me qytetarët.

“Nisur nga analizat e riskut të bëra nga Drejtoria vendore e Policisë Tiranë, por edhe nga analizat që ne bëjmë në forcën e posaçme ‘Shqiponja’, për rastet e kapjes së personave me armë, por edhe ne kërkim, zonat më problematike për ne janë kryesisht zona e Astirit, zona e Freskut dhe e Laprakës. Këto 3 zona për ne quhen si zona më të nxehta se zonat e tjera, ku mund të operojnë elementë keqbërës apo me precedentë kriminalë”, thotë Ismet Roqi, nënkomisar, specialist shërbimi.

Forca e posaçme ‘Shqiponja’ operon duke patrulluar në sektorë të ndarë sipas komisariateve me patrulla, automjete dhe motoristë njëkohësisht, 24 orë në 24. /CNA.al

Lajmet e fundit nga