web counter
LEXO PA REKLAMA!

SHKARKO APP

App Store
Google Play

Shkel masën e sigurisë të vendosur nga Gjykata/ 32-vjeçari kapet duke shitur drogë

28 Maj 2022, 08:53, Kronika CNA
Shkel masën e sigurisë të vendosur nga Gjykata/ 32-vjeçari
Operacioni policor "Outside"

Policia ka vënë në pranga shtetasin A.K 32 vjeç, banues në Vaqarr.

Sipas njoftimit të policisë, 32-vjeçari është kapur në flagrancë duke shitur me doza lëndë narkotike kanabis.  

Gjithashtu, nga veprimet hetimore ka rezultuar se ky shtetas ka shkelur masën e sigurisë “Arrest në shtëpi”, të caktuar nga Gjykata, për veprën penale “Prodhimi dhe shitja e narkotikëve”.

“Specialistët e Hetimit të Krimeve në Komisariatin e Policisë Nr. 6, në vijim të punës për goditjen e paligjshmërisë, bazuar dhe në informacionet e siguruara në rrugë operative, kanë organizuar dhe finalizuar operacionin policor të koduar "Outside”, në kuadër të të cilit u bë arrestimi në flagrancë i shtetasit: - A. K., 32 vjeç, banues në Vaqarr. 

Ky shtetas është kapur në flagrancë nga shërbimet e Policisë, në vendin e quajtur "Kodër Shkretë", me doza me lëndë narkotike cannabis sativa.

Nga veprimet hetimore ka rezultuar se pasi siguronte sasi të konsiderueshme të lëndës narkotike cannabis sativa, 32-vjeçari e shiste më pas atë, në doza të vogla, kryesisht në zonën e Vaqarrit dhe të Kombinatit.   

Gjithashtu, nga veprimet hetimore ka rezultuar se ky shtetas ka shkelur masën e sigurisë “Arrest në shtëpi”, të caktuar nga Gjykata, për veprën penale “Prodhimi dhe shitja e narkotikëve”.

Gjatë kontrollit fizik dhe kontrollit të banesës të shtetasit A. K., shërbimet e Policisë gjetën dhe sekuestruan, në cilësinë e provës materiale, sasi lënde të dyshuar narkotike të llojit cannabis sativa”, thuhet në njoftim./ CNA.al





Lajmet e fundit nga