web counter
LEXO PA REKLAMA!

SHKARKO APP

App Store
Google Play

E fundit!

x

Misteri i zhdukjes së Ervis Martinajt/ Poli Hoxha hedh hije dyshimi, ja pista që duhet ndjekur

30 Nëntor 2022, 18:45, Kronika CNA
Misteri i zhdukjes së Ervis Martinajt/ Poli Hoxha hedh hije dyshimi, ja
Ervis Martinaj

Gazetari Poli Hoxha ka deklaruar se po e trajton me shumë seriozitet çështejn e zhdukjes së Evris Martinajt.

Sipas gazetarit, në mënyrë që të hidhet dritë me atë që ka ndodhur me Martinajn duhet ndjekur pasuria e tij.

Në një prononcim për Euronews Albania, Hoxha është shprehur se Martinaj kishte krijuar një organizatë, ku ishte përfshirë shteti, policia, krimi financiar dhe politika.

Gjithashtu foli edhe për deklaratat e xhaxhait të Martinajt, Faik Martinaj i cili drejtoi gishtin nga kryeministri Edi Rama, duke e quajtur dhe organizatorin e zhdukjes së nipit të tij. 

“Kam filluar ta trajtoj me seriozitet pistën e një simulimi, ose më saktë pistën e një inskenimi të vrasjes. Nga ana e Martinajt, por jo vetëm. Unë po them që janë të dyja pistat, kanë fuqi të barabartë hetimi dhe nuk mund të abuzojmë, por nuk mund të themi që është vrarë, siç thonë me bindje xhaxhai dhe shumë kolegët tanë. Ashtu siç nuk mund t’i vësh pikën që kjo është inskenim. Unë ngul këmbë, nëse do duam të dimë për fatin e Ervis Martinajt, ne nuk duhet të mbetemi te individi, por organizata e Ervis Martinajt, një organizatë tipike, ku është përzier, shteti, policia, krimi financiar, politika.

Xhaxhai dje tha që na kërcënuar kryeministri, e fajësoi kryeministrin. Por nga ana tjetër unë mund t’ju them një element, në zgjedhjet e 2021, një kandidati socialist, që sot është deputet, Ervis Martinajt i dhuroi 1500 kompjutera, për fushatë. Donacion, biznesmen ishte, donacion 1500 kompjutera. Nuk e ndajmë dot 100%. Dihet që familja e tij ishte e djathtë, pro Partisë Demokratike. Por nga ana tjetër, biznesi i tij lulëzoi në kohën e Edi Ramës, llotot e tij lulëzuan dhe madje lulëzuan kur ishin ilegale. Duhet ndjekur paraja, pasuria e Ervis Martinajt”, theksoi ai./ CNA.al





Lajmet e fundit nga