LEXO PA REKLAMA!

SHKARKO APP

App Store
Google Play

Megaoperacioni “Tempulli”/ Kapet 19-vjeçari i shpallur në kërkim

18 Shtator 2023, 09:25, Kronika CNA
Megaoperacioni “Tempulli”/ Kapet 19-vjeçari i shpallur
Foto ilustruese

Megaoperacioni antidrogë i koduar "Tempulli" vijon. Policia bën me dije se ka arrestuar shtetasin L.N, 19-vjeç, i shpallur në kërkim. 

Kështu ka shkuar në 92 numri i të arrestuarve nga ky megaoperacion. Kujtojmë se gjatë këtij operacioni janë sekuestruar drogë, para, automjete. 

"Vihet në pranga një 19-vjeçar i shpallur në kërkim në kuadër të këtij megaoperacioni, shkon në 91 numri i shtetasve të ndaluar.

Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.

Shërbimet e Seksionit për Hetimin e Narkotikëve, pas informacioneve të siguruara në rrugë operative se drejt Shqipërisë do të udhëtonte një shtetas i shpallur në kërkim në kuadër të megaoperacionit policor të koduar "Tempulli", kanë koordinuar veprimet me shërbimet e Komisariatit të Policisë Rinas, të cilët kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat, është kapur dhe ndaluar shtetasi L. N., 19 vjeç, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë "Arrest në burg", për veprën penale ''Prodhimi dhe shitja e narkotikëve”.    

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.    

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme", njofton policia./ CNA

 

Lajmet e fundit nga