web counter
LEXO PA REKLAMA!

SHKARKO APP

App Store
Google Play

Magazinonin dhe trafikonin drogë/ Arrestohen 4 persona, sekuestrohen 26 kilogramë kanabis

13 Gusht 2023, 12:01, Kronika CNA

Magazinonin dhe trafikonin drogë/ Arrestohen 4 persona, sekuestrohen 26

4 persona kanë rënë në prangat e policisë, në sajë të operacionit policor antidrogë të koduar "Restart".

Konkretisht janë arrestuar në flagrancë vëllezërit me iniciale A. T., 51 vjeç; A. T., 43 vjeç, të dy banues në fshatin Piskupat, si dhe shtetasit me iniciale R. S., 45 vjeç dhe T. B., 53 vjeç, të dy banues në fshatin Lin.

43-vjeçari A. T dhe 53-vjeçari T. B. kanë rezultuar punonjës pranë Qendrës së Rasatit të Koranit, në Pogradec.

Nga hetimet intensive të kryera në kuadër të këtij operacioni rezultoi se këta shtetas vepronin në mënyrë të organizuar, për të trafikuar lëndë narkotike cannabis sativa, drejt RMV-së, kundrejt pagesës 500 euro/kg lëndë narkotike.

2 vëllezërit, shtetasit A. T. dhe A. T. siguronin lëndën narkotike që do të trafikohej dhe e magazinonin atë buzë liqenit, në fshatin Lin, Pogradec. Më pas lënda narkotike trafikohej drejt RMV-së, me varka peshkimi që drejtoheshin nga shtetasit R. S. dhe T. B.

Në cilësinë e provës materiale u sekuestruan 26 kilogramë lëndë narkotike cannabis sativa, 1 varkë peshkimi, 2 automjete dhe 4 celularë.

Aktualisht po vijojnë hetimet për identifikimin dhe për arrestimin e shtetasve të tjerë që mund të jenë të implikuar në këtë veprimtari kriminale.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA





Lajmet e fundit nga