LEXO PA REKLAMA!

SHKARKO APP

62-vjeçari me probleme të shëndetit mendor/ Një ditë më parë u vizitua në spitalin psikiatrik por nuk u shtrua

12 Gusht 2023, 09:28, Kronika CNA

62-vjeçari me probleme të shëndetit mendor/ Një ditë

Në njoftimin zyrtar, policia sqaroi se 62-vjeçari R.M është ekzekutuar nga forcat RENEA pasi ka shëmbyer zjarr ndaj tyre dhe nuk i është përgjijgur thirrjeve për tu dorëzuar.

Një tjetër detaj që zbulon policia është se 62 vjeçari vuante nga probleme të shëndetit mendor dhe një ditë më parë ka kryer vizitë në spitalin psikiatrik por nuk është shtruar.

Pasi është kthyer në mbrëmje në shtëpi së bashku me familjarët ka nisur konflikti dhe ka plagosur bashkëshorten dhe djalin e tij.

“Theksojmë faktin se shtetasi Ramiz Muçollari, vuante nga probleme të shëndetit mendor dhe gjatë ditës së djeshme ka qenë për vizitë me familjarët në spitalin psikaitrik, por nuk është shtruar në spital, dhe në mbrëmje kur janë kthyer në banesë ka nisur konfliktin me familjarët”, thuhet në njoftim.

Forcat Speciale "Renea", në bashkëpunim me Policinë lokale të Komisariatit të Policisë Maliq dhe shërbimet e Drejtorisë Vendore të Policisë Korcë, prej më shumë se 8-orësh mbajtën të rrethuar në fshatin Qesarakë, Maliq, banesën e shtetasit R.M.

Shtetasi R.M, pas plagosjes së dyfishtë  u mbyll në banesë dhe  nuk i'u përgjigj thirrjes së Policisë Vendore për t'u dorëzuar, por ka qëlluar me armë zjarri (mitraloz të lehtë) në drejtim të tyre.

Ndodhur në këto kusht  janë dërguar me urgjencë në vendngjarje, Forcat Speciale "Renea", të cilat kanë marrë nën kontroll perimetrin e afërt të sigurisë, ndërsa policia lokale është pozicionuar në perimetrin e largët të sigurisë.

Përgjatë natës, Forcat  Speciale "Renea", i kanë bërë thirrje të pandërprera për t'u dorëzuar, por 62-vjeçari nuk i është bindur thirrjeve të Policisë për t'u dorëzuar dhe ka vijuar të qëllojë me armë zjarri drejt Policisë.

Në mëngjesin e sotëm, Forcat Speciale "Renea", kanë mundur të hyjnë deri në katin e dytë të banesës së shtetasit R. M, i cili ishte ngjitur në papafingon e banesës dhe ka hapur zjarr në drejtim të Forcave Speciale "Renea", duke rrezikuar seriozisht jetën e tyre.

Forcat Speciale "Renea", në zbatim të plotë të procedurave standarte janë kundërpërgjigjur me zjarr dhe përreth një orë ka vijuar shkëmbimi i zjarrit. Si pasojë e shkëmbimit të zjarrit, 62- vjeçari ka humbur jetën./ CNA

 

Lajmet e fundit nga