web counter
LEXO PA REKLAMA!

SHKARKO APP

E fundit!

x

Lojëra fati në lokal/ Arrestohet në flagrancë administratori 37-vjeçar

15 Janar 2026, 15:36, Kronika CNA

Lojëra fati në lokal/ Arrestohet në flagrancë administratori

Një shtetas 37-vjeçar u arrestua në flagrancë, pasi në lokalin që ai administronte organizoheshin lojëra fati.

Arrestimi i shtetasit A.Z. u krye në rrugën “Kole Koçi” në Tiranë.

Gjatë operacionit policor të koduar “Bet” u sekuestrua 1 telefon celular.

Njoftimi:

Specialistët për Hetimin e Krimeve Kibernetike, në vijim të punës për goditjen e paligjshmërisë në fushën e lojërave të fatit, në kuadër të operacionit policor të koduar “Bet”, kanë organizuar kontrolle në lokale dhe në ambiente të ndryshme të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar një rast i kësaj veprimtarie.

Në vijim të veprimeve për rastin, u arrestua në flagrancë shtetasi A. Z., 37 vjeç, pasi në lokalin që ai administronte, në rrugën “Kole Koçi”, organizoheshin lojëra fati. Në cilësinë e provës materiale u sekuestrua një celular që u gjet në lokal, i cili përdorej për këtë veprimtari të paligjshme.

Materialet procedurale i kaluan Prokurorisë, për veprime të mëtejshme./CNA





Lajmet e fundit nga