E fundit!

20:10 Kronika

Rreth 4 orë pas aksidentit në Tiranë/ Betonieria ende në vendgjarje

Këtë të mërkurë, rreth orës 16:00, një aksident i rëndë u ...

VIDEO- Dalin pamjet, momenti i arratisjes së Altin Ndocit

13 Janar 2026, 22:11, Kronika CNA

Sot i paraburgosuri Altin Ndoci u arratis nga spitali infektiv i Durrësit. Sëfundi kanë dalë dhe pamjet e momentit spektakolar të arratisjes së Altin Ndocit.

Ai shihet duke vrapuar dhe duke dalë nga dera e spitalit përmes makinave për të shkuar te Audi që e priste në parking.

View this post on Instagram

A post shared by CNA.al (@cna.lajme)

Altin Ndoci cilësohet si një person me rrezikshmëri të lartë dhe rezulton i përfshirë në disa nga vrasjet më të bujshme në vend.

Ndoci, i cili ndodhej në paraburgim që nga viti 2020, akuzohet nga Prokuroria e Posaçme për disa vrasje, ndërsa dyshohet si pjesë e grupit të Çopjave.

Nga dëshmia e të penduarit të drejtësisë, Nuredin Dumanit, doli se Ndoci kishte lidhje me vrasjen e dy vëllezërve Besmir dhe Viktor Haxhia në Durrës dhe ekzekutimin e dy personave të tjerë më 2 mars 2020, Dorjan Shkoza dhe Anxhelo Avdia. Ai akuzohet gjithashtu edhe për vrasjen e Andi Zylyfit dhe plagosjen e Ardit Uruçit.

Ndoci akuzohet për veprat penale “Vrasja në rrethana te tjera cilësuese”, ndaj dy ose më shumë personave, e kryer më shumë se një herë, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim të veçantë atë të grupit të strukturuar kriminal, dhe “Grupi i strukturuar kriminal”, (në rolin e pjesëmarrësit) dhe “Kryerja e veprave penale nga grupi i strukturuar kriminal”.

Drejtoria e Përgjithshme e Burgjeve reagoi më herët lidhur me arratisjen, ku tha se Altin Ndoci është larguar nga ambientet e Spitalit të Durrësit, ku ishte shoqëruar për kryerjen e vizitave mjekësore.

Gjithashtu bëhet me dije se strukturat përkatëse janë vënë menjëherë në lëvizje dhe po punohet për lokalizimin dhe kapjen e tij, si dhe për sqarimin e plotë të rrethanave të ngjarjes./ CNA