web counter
LEXO PA REKLAMA!

SHKARKO APP

App Store
Google Play

E fundit!

x

Mashtroi rojën e parkimit se ishte pronari/ Arrestohet 18-vjeçari që vodhi një automjet në Tiranë

15 Janar 2026, 10:37, Kronika CNA

Mashtroi rojën e parkimit se ishte pronari/ Arrestohet 18-vjeçari

Një 18-vjeçar është arrestuar në Tiranë, pasi vodhi një automjet duke mashtruar rojën e vendparkimit në rrugën “Hajdar Hidri” se ishte pronari i makinës.

Në pranga është vënë shtetasi me iniciale A.L. Automjeti i vjedhur u gjet nga policia në fshatin Valias në Tiranë.

Njoftimi i policisë:

Tiranë

Vodhi 1 automjet, duke mashtruar rojën e vendparkimit në rrugën “Hajdar Hidri”, se ishte pronari i automjetit, identifikohet dhe arrestohet 18-vjeçari.

Gjendet në Valias, dhe sekuestrohet automjeti i vjedhur, tip “Volkswagen Jetta”.

Shërbimet e Komisariatit të Policisë Nr. 3, menjëherë pas njoftimit se në një vendparkim për automjete, në rrugën “Hajdar Hidri”, ishte vjedhur nëpërmjet mashtrimit, 1 automjet tip “Volkswagen Jetta”, organizuan punën për identifikimin dhe kapjen e autorit.

Si rezultat i veprimeve të shpejta hetimore dhe policore, u identifikua dhe u arrestua autori i dyshuar i vjedhjes, shtetasi A. L., 18 vjeç, banues në Tiranë. Gjithashtu, u gjet në fshatin Valias, automjeti i vjedhur.

18-vjeçari dyshohet se me qëllim vjedhjen, ka shkuar te vendparkimi i automjeteve, ku ka mashtruar rojën e subjektit, se do të merrte automjetin e tij.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga