web counter
LEXO PA REKLAMA!

SHKARKO APP

App Store
Google Play

Kultivonte drogë në Malësi të Madhe/ Kapet 62-vjeçari i shpallur në kërkim

12 Qershor 2023, 16:09, Kronika CNA
Kultivonte drogë në Malësi të Madhe/ Kapet 62-vjeçari
Foto ilustruese

Policia ka vënë në pranga një 62-vjeçar të shpallur në kërkim, në kuadër të megaoperacionit të koduar “Qarku”.

Bëhet fjalë për shtetasin me iniciale U. V., 62 vjeç, banues në fshatin Jeran.

Gjykata e Rrethit Gjyqësor Shkodër ka caktuar ndaj 62-vjeçarit, masën e sigurisë “Arrest në burg”, për veprat penale "Kultivimi i bimëve narkotike”, kryer në bashkëpunim" dhe “Vjedhja e energjisë elektrike ose impulseve telefonike".

Më 7 dhjetor të vitit 2022, në kuadër të megaoperacionit “Qarku”, Policia e Shkodrës zbuloi në fshatin Jeran, Malësi e Madhe, një magazinë të përshtatur nga shtetasit U. V., Gj. V. (shtetas ende në kërkim, vëllai i shtetasit U. V.), F. V. dhe M. V. (bashkëshortet e 2 vëllezërve), për kultivimin e bimëve narkotike cannabis sativa, me anë të llambave. Si rezultat i kësaj faze, u arrestua shtetasja F. V., u proceduan penalisht shtetasja M. V. dhe 4 punonjës të OSHEE-së, si dhe u sekuestruan 90 bimë narkotike kanabis të kultivuara në vazo dhe pajisje të ndryshme elektrike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./ CNA.al





Lajmet e fundit nga