web counter
LEXO PA REKLAMA!

SHKARKO APP

App Store
Google Play

Aksidenti me dy viktima në aksin Sarandë-Ksamil/ Arrestohet 17-vjeçari që përplasi turistët italianë

24 Gusht 2023, 15:33, Kronika CNA

Aksidenti me dy viktima në aksin Sarandë-Ksamil/ Arrestohet

Policia ka arrestuar shtetasin E.Rr, 17 vjeç, pasi duke drejtuar automjetin e tij tip "Benz", përplasi dy turistë italianë që po udhëtonin me motoçikletë. 

Aksidenti ndodhi në aksin Sarandë-Ksamil në orët e para të mëngjesit të sotëm. Si pasojë e përplasjes dy turistët italianë humbën jetën.

17-vjeçari akuzohet per dy vepra penale, “shkelje e rregullave te qarkullimit rrugor” me pasojë vdekjen e disa personave sipas nenit 290/4 dhe “drejtim i automjeteve në mënyrë të parregullt” sipas nenit 291.

Aksidenti me dy viktima në aksin Sarandë-Ksamil/ Arrestohet

Pas ngjarjes së rëndë, drejtuesi i Policisë së Shtetit, Muhamet Rrumbullaku, ka pezulluar menjëherë nga detyra Shefin e Seksionit të Policisë Rrugore në Komisariatin e Policisë Sarandë, Nënkomisar A. Sh. Pezullimi i tij u bë në zbatim të nenit 209, të Rregullores së Policisë së Shtetit, për shkelje të rëndë të atributeve/kompetencave të Policisë, në lidhje me pasojat e aksidentit të ndodhur në orët e para të mëngjesit të sotëm, në aksin rrugor Sarandë –Ksamil, ku humbën jetën 2 turistë italianë, konkretisht shtetasit D. D., 24 vjeç dhe V. T., 32 vjeç.

Gjithashtu, ka nisur menjëherë hetimi administrativo-disiplinor për të gjithë zinxhirin komandues të Sektorit të Policisë Rrugore në Drejtorinë Vendore të Policisë Vlorë, për mospërmbushje të procedurave standarde të punës, në lidhje me marrjen e masave për parandalimin e aksidenteve rrugore, gjatë sezonit turistik./ CNA

 





Lajmet e fundit nga