web counter
LEXO PA REKLAMA!

SHKARKO APP

App Store
Google Play

Ndezën zjarrin në malin Partizan/ Policia arreston 18-vjeçarin, procedohet penalisht i mituri

21 Gusht 2023, 21:33, Kronika CNA

Ndezën zjarrin në malin Partizan/ Policia arreston 18-vjeçarin,

Policia ka bërë me dije se ka zbuluar identitetet e zjarrëvënësve të malit Partizan në Berat.

Përmes një njoftimi zyrtar blutë bëjnë me dije se është arrestuar 18-vjeçari me inicialet S.Ç dhe është proceduar në gjendje të lirë për shkak të moshës një 15-vjeçar.

"Arrestohet një 18-vjeçar dhe procedohet në gjendje të lirë, për shkak të moshës, një 15-vjeçar, të cilët pasi ndezën zjarrin u larguan me motomjet, nga vendngjarja.

Ditën e djeshme, menjëherë pas marrjes së njoftimit për një zjarr në malin Partizan, shërbimet e Policisë së Beratit kanë organizuar punën dhe kanë shkuar në vendngjarje, për të kryer veprimet hetimore për identifikimin dhe kapjen e autorit/ëve. Si rezultat i veprimeve të shpejta hetimore, u identifikuan autorët e këtij rasti, shtetasi S. Ç. dhe një 15-vjeçar.

Të dy këta shtetas, dyshohet se kanë ndezur zjarr në malin Partizan, ku si pasojë është dëmtuar bimësia e malit, si dhe është shkaktuar ndotje e lartë e ajrit dhe mjedisit të pyllit përreth. Këta shtetas, pas ngjarjes, janë larguar me motomjet nga mali Partizan, për në dalje të qytetit.

Në përfundim të veprimeve procedurale për këtë rast, u arrestua shtetasi S. Ç. dhe nisi procedimi në gjendje të lirë, për shkak të moshës, për një 15-vjeçar, të dy banues në Dimal, për veprën penale "Shkatërrimi i pronës me zjarr".-thuhet në njoftimin e policisë./CNA

 





Lajmet e fundit nga