web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti te Liqeni Artificial/ 26-vjeçari dha dëshmi të rreme, makina drejtohej nga kushëriri i Ervis Martinajt

23 Gusht 2023, 17:02, Kronika CNA

Aksidenti te Liqeni Artificial/ 26-vjeçari dha dëshmi të rreme,

Policia ka deklaruar se 26-vjeçari me inicialet E.A., i cili mori përsipër aksidentin e së martës në digën e Liqenit artificial të Tiranës, nuk ka qënë i pranishëm në automjet në momentin e ngjarjes, duke dhënë kështu dëshmi të rreme.

Sipas policisë në makinë ka qënë vëllai i 26-vjeçarit, shtetasi me inicialet J.A. si pasagjer, ndërsa shofer i makinës ka qenë 28-vjeçari me inicialet E.N..

J.A. është proceduar në gjendje të të lirë për për veprën penale “Moskallëzimi i krimit”.

Nga veprimet hetimore policia thotë se dyshohet se E.N., duke drejtuar automjetin tip “BMË”, në pronësi të E.A., për shkak të shpejtësisë shumë të lartë, ka humbur kontrollin, për pasojë automjeti ka dalë nga rruga dhe është përplasur me bordurën anësore, te Liqeni Artificial.

Në cilësinë e provës materiale është sekuestruar një shkop bejsbolli që është gjetur në banesën e shtetasit E.N., i cili po drejtonte makinën në momentin e ngjarjes, tashmë është në kërkim, për veprat penale “Shkelja e rregullave të qarkullimit rrugor”, “Drejtimi i automjetit në mënyrë të parregullt”, “Largimi nga vendi i aksidentit”, “Shkatërrimi i pronës”, “Moskallëzimi i krimit”, “Veprime që pengojnë zbulimin e së vërtetës” dhe “Prodhimi, mbajtja, blerja apo shitja pa leje e armëve të ftohta”.

Sipas mediave, E.N është një person me precedent të mëparshëm penal dhe është kushëri i Ervis Martinaj./CNA





Lajmet e fundit nga