web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet/ Blerje votash dhe ndikim në votime, arrestohen dy persona në Maqedoninë e Veriut

19 Tetor 2025, 16:56, Kosova & Bota CNA

Zgjedhjet/ Blerje votash dhe ndikim në votime, arrestohen dy persona

Procesi i votimit për zgjedhjet lokale vijon në Maqedoninë e Veriut. Deri më tani procesi ka vijuar i qetë dhe normalisht, ndërsa Ministria e Brendshme ka njoftuar se dy persona janë arrestuar për blerje votash dhe ndikim mbi votimin. Bëhet po ashtu me dije, se lidhur me të njëjtin rast janë thirrur në komisariatin e Prilepit edhe pesë persona të tjerë.

“Policët nga Stacioni Policor i Prilepit ndaluan dy persona nga Krusheva për veprën penale të “blerjes së votës dhe ndikimit mbi votimin”. Në lidhje me të njëjtin rast, në stacionin policor të Prilepit janë thirrur edhe: S.A. (28), M.A. (31), Sh.A. (40), D.A. (22) dhe Xh.A. (36), gjithashtu nga Krusheva, që qëndrojnë në Prilep. Pas dokumentimit të plotë të rastit, do të parashtrohet denoncimi i duhur ligjor”, thuhet në njoftimin e Ministrisë së Brendshme në Maqedoninë e Veriut.

Qendrat e votimit do të jenë të hapura deri në 19:00. Sipas informacioneve në garë janë 309 kandidatë që kandidojnë për kryetarë komunash dhe 576 kandidarë për anëtarë të këshillave. Vetëm në qytetin e Shkupit kandidojnë 16 kandidatë për kryetarë. Në zgjedhjet e sotme lokale pritet të votojnë 1.832.415 votues. /CNA





Lajmet e fundit nga