web counter
LEXO PA REKLAMA!

SHKARKO APP

App Store
Google Play

Zjarr i madh në aeroportin e Bangladeshit/ Anulohen fluturimet

18 Tetor 2025, 19:42, Kosova & Bota CNA

Zjarr i madh në aeroportin e Bangladeshit/ Anulohen fluturimet

Aeroporti më i madh i Bangladeshit u përfshi ditën e sotme  nga një zjarr masiv në terminalin e ngarkesave.

Zjarri në Aeroportin Ndërkombëtar Hazrat Shahjalal në Daka, filloi rreth orës 14:30 sipas orës lokale, duke përhapur tym të zi të dendur që ishte i dukshëm kilometra larg vendit të ngjarjes.

Zyrtarët e aeroportit njoftuan se si pasojë e zjarrit u pezulluan të gjitha fluturimet të shtunën.

Ky ishte zjarri i tretë i madh në vend vetëm në pesë ditë. Më i madhi prej tyre, të martën, vrau të paktën 16 persona kur flakët që filluan në një depo kimikatesh u përhapën në një fabrikë veshjesh në një lagje të Dakës, një nga qytetet më të populluara në botë.

Rreth 36 njësi zjarrfikëse u vendosën për të shuar zjarrin në aeroport, sipas Talha Bin Jashim, një zëdhënës i shërbimit zjarrfikës.

Anëtarë të forcave ajrore, marinës, rojeve kufitare dhe ushtrisë së vendit po ndihmonin në përpjekjet, tha një zyrë ushtarake për marrëdhënie me publikun./CNA, përkthyer nga The New York Times





Lajmet e fundit nga