web counter
LEXO PA REKLAMA!

SHKARKO APP

App Store
Google Play

“Vuçiç nuk e lë kurrë këtë komb”, zbulohet arsyeja e shkarkimit të kryetares së gjykatës së Mitrovicës

26 Tetor 2023, 11:51, Kosova & Bota CNA

“Vuçiç nuk e lë kurrë këtë komb”,

Këshilli Gjyqësor i Kosovës ka publikuar së fundmi vendimin e shkarkimit të Lilijana Stevanoviç nga pozita e kryetares së Gjykatës Themelore në Mitrovicë. 

Në vendim nënvizohet se Stevanoviç u shkarkua për shkak të fjalimit që kishte mbajtur në protestën e thirrur nga Lista Serbe në sheshin e Mitrovicës së Veriut, pasi nisën dorëheqjet masive të serbëve në 4 komunat veriore, Leposaviç, Zubin Potok, Zveçan dhe Mitrovicën e Veriut.

“Këshilli Gjyqësor i Kosovës, me datë 06 dhjetor 2022, ka pranuar nga kryetari i Gjykatës Supreme z. Enver Peci, kërkesën për fillimin e hetimit disiplinor për kryetaren e Gjykatës Themelore në Mitrovicë, znj. Ljiljana Stevanoviq, duke pretenduar se e njëjta ka marrë pjesë në protestën e organizuar nga subjekti politik “Lista Serbe”, me datë 6 nëntor 2022, të mbajtur në pjesën veriore të Mitrovicës. Sipas të gjeturave të Autoritetit Kompetent, subjekti i këtij hetimi disiplinor znj. Ljiljana Stevanoviq, në këtë protestë i është drejtuar pjesëmarrësve me një fjali rasti, që sipas tij fjalimi i mbajtur nga e njëjta nuk përkon me detyrën e gjyqtarit, i cili fjalim ka qenë pothuajse tërësisht politik, me konstatime të pa qena dhe te drejtuara kundër vetë sistemit gjyqësor të Republikës së Kosovës, në të cilin me vullnetin e saj është integruar” – thuhet në vendim.

Kujtojmë që gjatë fjalimit të saj, Stevanoviç u shpreh:  “Populli im, vëllezër dhe motra, rroftë Serbia, atdheu ynë, rroftë presidenti ynë Aleksandër Vuçiç, presim ndihmën prej tij;… Presidenti ynë Aleksandër Vuçiç, nuk e lë kurrë këtë komb”.

Përveç, ish- kryetares, nga detyra është shkarkuar edhe kryesuesi i Divizionit të Gjykatës së Apelit në Mitrovicë, Nikolla Kabashiç./CNA





Lajmet e fundit nga