web counter
LEXO PA REKLAMA!

SHKARKO APP

App Store
Google Play

E fundit!

x

Kurti dhe Vuçiç, të enjten në Bruksel/ Konfirmon Stano: Takimet me krerët, të ndara

25 Tetor 2023, 15:49, Kosova & Bota CNA
Kurti dhe Vuçiç, të enjten në Bruksel/ Konfirmon Stano:
Peter Stano

Ditën e enjte, Kryeministri i Kosovës Albin Kurti dhe Presidenti i Serbisë, Aleksandër Vuçiç do të zhvillojnë një takim në Bruksel.

Por zëdhënësi i BE-së, Peter Stano, ka bërë me dije se Kurti dhe Vuçiç do të zhvillojnë takime të ndara me liderët evropianë.

Zëdhënësi i Bashkimit Evropian, Peter Stano, ka konfirmuar se të enjten në Bruksel, Kryeministri i Kosovës, Albin Kurti do të zhvillojë takime me liderë evropianë.

Mësohet se në takim do të diskutohet për situatën Kosovë-Serbi dhe çështje e dialogut.

“Takimet do të jenë përforcim i asaj që është thënë gjatë vizitës së Miroslav Lajçak në Kosovë dhe Serbi gjatë fundjavës. Kurti dhe Vuçiç do të kenë një seri takimesh individuale me krerë evropianë, për çfarë nuk do të japim detaje tash”, është shprehur zëdhënësi.

“Këto takime do të zhvillohen në mbështetje të dialogut. Presim që të dyja palët që të kthehen dhe t’i përmbushin obligimet e tyre pa vonesa si dhe të angazhohen për shtensionim. Nuk do të ketë takime të nivelit të lartë të dialogut, por vetëm takime individuale me liderë evropianë”./ CNA





Lajmet e fundit nga