web counter
LEXO PA REKLAMA!

SHKARKO APP

App Store
Google Play

E fundit!

x

Von Der Leyen viziton Italinë/ Shpreh përkrahjen e BE kundrejt popullit italian

26 Maj 2023, 20:42, Kosova & Bota CNA
Von Der Leyen viziton Italinë/ Shpreh përkrahjen e BE kundrejt
Presidentja e Komisionit Evropian, Ursula von der Leyen

Presidentja e Komisionit Evropian, Ursula Von der Leyen ka vizituar Italinë, duke marrë shkas nga situata e jashtëzakonshme e shkaktuar nga moti ekstrem.

Von Der Leyen ka shprehur përkrahjen e BE ndaj Italisë për të kapërcyer këtë situatë të vështirë që populli po kalon.

E shoqëruar nga kryeministrja Giorgia Meloni, Von der Leyen është përpjekur të qetësojë të prekurit.

“Evropa është me ju”, u është drejtuar ajo banorëve.

Qeveria italiane ka njoftuar një paketë ndihmash prej 2 miliardë eurosh. Presidentja e Komisionit Evropian pranoi se nevoja për ndihmë është urgjente.

“Është urgjente të lëvrojmë fondin e solidaritetit. Ai ka një rregull të qartë: një parapagesë e vogël që do të bëhet për çdo katastrofë, por më pas duhen llogaritjet e dëmeve në mënyrë që të kemi një ide të qartë për kontributin evropian”, u shpreh Von der Leyen.

Kujtojmë se deri më tani nga përmbytjet kanë humbur jetën 15 persona dhe janë evakuuar 20 mijë qytetarë./ CNA.al





Lajmet e fundit nga